Sher on Khamoshi

mustaqil boltā hī rahtā huuñ

kitnā ḳhāmosh huuñ maiñ andar se

mustaqil bolta hi rahta hun

kitna KHamosh hun main andar se

ham laboñ se kah na paa.e un se hāl-e-dil kabhī

aur vo samjhe nahīñ ye ḳhāmushī kyā chiiz hai

hum labon se kah na pae un se haal-e-dil kabhi

aur wo samjhe nahin ye KHamushi kya chiz hai

aap ne tasvīr bhejī maiñ ne dekhī ġhaur se

har adā achchhī ḳhamoshī kī adā achchhī nahīñ

aap ne taswir bheji main ne dekhi ghaur se

har ada achchhi KHamoshi ki ada achchhi nahin

ilm kī ibtidā hai hañgāma

ilm kī intihā hai ḳhāmoshī

ilm ki ibtida hai hangama

ilm ki intiha hai KHamoshi

ḳhamoshī se musībat aur bhī sañgīn hotī hai

taḌap ai dil taḌapne se zarā taskīn hotī hai

KHamoshi se musibat aur bhi sangin hoti hai

taDap ai dil taDapne se zara taskin hoti hai

use bechain kar jā.ūñgā maiñ bhī

ḳhamoshī se guzar jā.ūñgā maiñ bhī

use bechain kar jaunga main bhi

KHamoshi se guzar jaunga main bhi

bolte kyuuñ nahīñ mire haq meñ

aable paḌ ga.e zabān meñ kyā

bolte kyun nahin mere haq mein

aable paD gae zaban mein kya

ḳhamoshī se adā ho rasm-e-dūrī

koī hañgāma barpā kyuuñ kareñ ham

KHamoshi se ada ho rasm-e-duri

koi hangama barpa kyun karen hum

chup-chāp apnī aag meñ jalte raho 'farāz'

duniyā to arz-e-hāl se be-ābrū kare

chup-chap apni aag mein jalte raho 'faraaz'

duniya to arz-e-haal se be-abru kare

mohabbat soz bhī hai saaz bhī hai

ḳhamoshī bhī hai ye āvāz bhī hai

mohabbat soz bhi hai saz bhi hai

KHamoshi bhi hai ye aawaz bhi hai

merī ḳhāmoshiyoñ meñ larzāñ hai

mere nāloñ kī gum-shuda āvāz

meri KHamoshiyon mein larzan hai

mere nalon ki gum-shuda aawaz

duur ḳhāmosh baiThā rahtā huuñ

is tarah haal dil kā kahtā huuñ

dur KHamosh baiTha rahta hun

is tarah haal dil ka kahta hun

chup raho to pūchhtā hai ḳhair hai

lo ḳhamoshī bhī shikāyat ho ga.ī

chup raho to puchhta hai KHair hai

lo KHamoshi bhi shikayat ho gai

chup chup kyuuñ rahte ho 'nāsir'

ye kyā rog lagā rakkhā hai

chup chup kyun rahte ho 'nasir'

ye kya rog laga rakkha hai

har taraf thī ḳhāmoshī aur aisī ḳhāmoshī

raat apne saa.e se ham bhī Dar ke ro.e the

har taraf thi KHamoshi aur aisi KHamoshi

raat apne sae se hum bhi Dar ke roe the

jo chup rahā to vo samjhegā bad-gumān mujhe

burā bhalā hī sahī kuchh to bol aa.uuñ maiñ

jo chup raha to wo samjhega bad-guman mujhe

bura bhala hi sahi kuchh to bol aaun main

zor qismat pe chal nahīñ saktā

ḳhāmushī iḳhtiyār kartā huuñ

zor qismat pe chal nahin sakta

KHamushi iKHtiyar karta hun

mirī ḳhāmoshiyoñ par duniyā mujh ko ta.an detī hai

ye kyā jaane ki chup rah kar bhī kī jaatī haiñ taqrīreñ

meri KHamoshiyon par duniya mujh ko tan deti hai

ye kya jaane ki chup rah kar bhi ki jati hain taqriren

tumhāre ḳhat meñ nazar aa.ī itnī ḳhāmoshī

ki mujh ko rakhne paḌe apne kaan kāġhaz par

tumhaare KHat mein nazar aai itni KHamoshi

ki mujh ko rakhne paDe apne kan kaghaz par

ḳhamoshī merī ma.anī-ḳhez thī ai aarzū kitnī

ki jis ne jaisā chāhā vaisā afsāna banā Daalā

KHamoshi meri mani-KHez thi ai aarzu kitni

ki jis ne jaisa chaha waisa afsana bana Dala

'bāqī' jo chup rahoge to uTTheñgī uñgliyāñ

hai bolnā bhī rasm-e-jahāñ bolte raho

'baqi' jo chup rahoge to uTThengi ungliyan

hai bolna bhi rasm-e-jahan bolte raho

asar bhī le rahā huuñ terī chup kā

tujhe qaa.il bhī kartā jā rahā huuñ

asar bhi le raha hun teri chup ka

tujhe qail bhi karta ja raha hun

nikāle ga.e is ke ma.anī hazār

ajab chiiz thī ik mirī ḳhāmushī

nikale gae is ke mani hazar

ajab chiz thi ek meri KHamushi

rañg darkār the ham ko tirī ḳhāmoshī ke

ek āvāz kī tasvīr banānī thī hameñ

rang darkar the hum ko teri KHamoshi ke

ek aawaz ki taswir banani thi hamein

ḳhāmoshī meñ chāhe jitnā begāna-pan ho

lekin ik aahaT jānī-pahchānī hotī hai

KHamoshi mein chahe jitna begana-pan ho

lekin ek aahaT jaani-pahchani hoti hai

ḳhāmushī terī mirī jaan liye letī hai

apnī tasvīr se bāhar tujhe aanā hogā

KHamushi teri meri jaan liye leti hai

apni taswir se bahar tujhe aana hoga

chaTaḳh ke TuuT ga.ī hai to ban ga.ī āvāz

jo mere siine meñ ik roz ḳhāmushī huī thī

chaTaKH ke TuT gai hai to ban gai aawaz

jo mere sine mein ek roz KHamushi hui thi

ḳhamosh rahne kī aadat bhī maar detī hai

tumheñ ye zahr to andar se chaaT jā.egā

KHamosh rahne ki aadat bhi mar deti hai

tumhein ye zahr to andar se chaT jaega

ham ne avval to kabhī us ko pukārā hī nahīñ

aur pukārā to pukārā bhī sadāoñ ke baġhair

hum ne awwal to kabhi us ko pukara hi nahin

aur pukara to pukara bhi sadaon ke baghair

chheḌ kar jaise guzar jaatī hai doshīza havā

der se ḳhāmosh hai gahrā samundar aur maiñ

chheD kar jaise guzar jati hai doshiza hawa

der se KHamosh hai gahra samundar aur main

har ek baat zabāñ se kahī nahīñ jaatī

jo chupke baiThe haiñ kuchh un kī baat bhī samjho

har ek baat zaban se kahi nahin jati

jo chupke baiThe hain kuchh un ki baat bhi samjho

sabab ḳhāmoshiyoñ kā maiñ nahīñ thā

mire ghar meñ sabhī kam bolte the

sabab KHamoshiyon ka main nahin tha

mere ghar mein sabhi kam bolte the

maiñ tere kahe se chup huuñ lekin

chup bhī to bayān-e-mudda.ā hai

main tere kahe se chup hun lekin

chup bhi to bayan-e-muddaa hai

ham na māneñge ḳhamoshī hai tamannā kā mizāj

haañ bharī bazm meñ vo bol na paa.ī hogī

hum na manenge KHamoshi hai tamanna ka mizaj

han bhari bazm mein wo bol na pai hogi

maiñ huuñ raat kā ek bajā hai

ḳhālī rasta bol rahā hai

main hun raat ka ek baja hai

KHali rasta bol raha hai

kuchh kahne kā vaqt nahīñ ye kuchh na kaho ḳhāmosh raho

ai logo ḳhāmosh raho haañ ai logo ḳhāmosh raho

kuchh kahne ka waqt nahin ye kuchh na kaho KHamosh raho

ai logo KHamosh raho han ai logo KHamosh raho

jo suntā huuñ suntā huuñ maiñ apnī ḳhamoshī se

jo kahtī hai kahtī hai mujh se mirī ḳhāmoshī

jo sunta hun sunta hun main apni KHamoshi se

jo kahti hai kahti hai mujh se meri KHamoshi

bahut gahrī hai us kī ḳhāmushī bhī

maiñ apne qad ko chhoTā pā rahī huuñ

bahut gahri hai us ki KHamushi bhi

main apne qad ko chhoTa pa rahi hun

bol paḌtā to mirī baat mirī hī rahtī

ḳhāmushī ne haiñ diye sab ko fasāne kyā kyā

bol paDta to meri baat meri hi rahti

KHamushi ne hain diye sab ko fasane kya kya

jise sayyād ne kuchh gul ne kuchh bulbul ne kuchh samjhā

chaman meñ kitnī mānī-ḳhez thī ik ḳhāmushī mirī

jise sayyaad ne kuchh gul ne kuchh bulbul ne kuchh samjha

chaman mein kitni mani-KHez thi ek KHamushi meri

ḳhamoshī meñ har baat ban jaa.e hai

jo bole hai dīvāna kahlā.e hai

KHamoshi mein har baat ban jae hai

jo bole hai diwana kahlae hai

ḳhāmushī chheḌ rahī hai koī nauha apnā

TūTtā jaatā hai āvāz se rishta apnā

KHamushi chheD rahi hai koi nauha apna

TuTta jata hai aawaz se rishta apna

maiñ chup rahā ki vazāhat se baat baḌh jaatī

hazār sheva-e-husn-e-bayāñ ke hote hue

main chup raha ki wazahat se baat baDh jati

hazar shewa-e-husn-e-bayan ke hote hue

khulī zabān to zarf un kā ho gayā zāhir

hazār bhed chhupā rakkhe the ḳhamoshī meñ

khuli zaban to zarf un ka ho gaya zahir

hazar bhed chhupa rakkhe the KHamoshi mein

ye hāsil hai mirī ḳhāmoshiyoñ kā

ki patthar āzmāne lag ga.e haiñ

ye hasil hai meri KHamoshiyon ka

ki patthar aazmane lag gae hain

vo boltā thā magar lab nahīñ hilātā thā

ishāra kartā thā jumbish na thī ishāre meñ

wo bolta tha magar lab nahin hilata tha

ishaara karta tha jumbish na thi ishaare mein

ek din merī ḳhāmushī ne mujhe

lafz kī oT se ishāra kiyā

ek din meri KHamushi ne mujhe

lafz ki oT se ishaara kiya

mujhe to hosh na thā un kī bazm meñ lekin

ḳhamoshiyoñ ne merī un se kuchh kalām kiyā

mujhe to hosh na tha un ki bazm mein lekin

KHamoshiyon ne meri un se kuchh kalam kiya

suntī rahī maiñ sab ke dukh ḳhāmoshī se

kis kā dukh thā mere jaisā bhuul ga.ī

sunti rahi main sab ke dukh KHamoshi se

kis ka dukh tha mere jaisa bhul gai

ḳhāmoshī ke nāḳhun se chhil jaayā karte haiñ

koī phir in zaḳhmoñ par āvāzeñ maltā hai

KHamoshi ke naKHun se chhil jaya karte hain

koi phir in zaKHmon par aawazen malta hai