Sher on Ruswai

kaise kah duuñ ki mujhe chhoḌ diyā hai us ne

baat to sach hai magar baat hai rusvā.ī kī

kaise kah dun ki mujhe chhoD diya hai us ne

baat to sach hai magar baat hai ruswai ki

ishq jab tak na kar chuke rusvā

aadmī kaam kā nahīñ hotā

ishq jab tak na kar chuke ruswa

aadmi kaam ka nahin hota

rusvā hue zalīl hue dar-ba-dar hue

haq baat lab pe aa.ī to ham be-hunar hue

ruswa hue zalil hue dar-ba-dar hue

haq baat lab pe aai to hum be-hunar hue

aziyyat musībat malāmat balā.eñ

tire ishq meñ ham ne kyā kyā na dekhā

aziyyat musibat malamat balaen

tere ishq mein hum ne kya kya na dekha

merī rusvā.ī ke asbāb haiñ mere andar

aadmī huuñ so bahut ḳhvāb haiñ mere andar

meri ruswai ke asbab hain mere andar

aadmi hun so bahut KHwab hain mere andar

nikalnā ḳhuld se aadam kā sunte aa.e haiñ lekin

bahut be-ābrū ho kar tire kūche se ham nikle

nikalna KHuld se aadam ka sunte aae hain lekin

bahut be-abru ho kar tere kuche se hum nikle

ahl-e-havas to ḳhair havas meñ hue zalīl

vo bhī hue ḳharāb, mohabbat jinhoñ ne kī

ahl-e-hawas to KHair hawas mein hue zalil

wo bhi hue KHarab, mohabbat jinhon ne ki

ab to har haath kā patthar hameñ pahchāntā hai

umr guzrī hai tire shahr meñ aate jaate

ab to har hath ka patthar hamein pahchanta hai

umr guzri hai tere shahr mein aate jate

baat niklegī to phir duur talak jā.egī

log be-vaj.h udāsī kā sabab pūchheñge

baat niklegi to phir dur talak jaegi

log be-wajh udasi ka sabab puchhenge

phirte haiñ 'mīr' ḳhvār koī pūchhtā nahīñ

is āshiqī meñ izzat-e-sādāt bhī ga.ī

phirte hain 'mir' KHwar koi puchhta nahin

is aashiqi mein izzat-e-sadat bhi gai

ḳhair badnām to pahle bhī bahut the lekin

tujh se milnā thā ki par lag ga.e rusvā.ī ko

KHair badnam to pahle bhi bahut the lekin

tujh se milna tha ki par lag gae ruswai ko

apnī rusvā.ī tire naam kā charchā dekhūñ

ik zarā sher kahūñ aur maiñ kyā kyā dekhūñ

apni ruswai tere nam ka charcha dekhun

ek zara sher kahun aur main kya kya dekhun

dekhe haiñ bahut ham ne hañgāme mohabbat ke

āġhāz bhī rusvā.ī anjām bhī rusvā.ī

dekhe hain bahut hum ne hangame mohabbat ke

aaghaz bhi ruswai anjam bhi ruswai

hamāre ishq meñ rusvā hue tum

magar ham to tamāshā ho ga.e haiñ

hamare ishq mein ruswa hue tum

magar hum to tamasha ho gae hain

koī tohmat ho mire naam chalī aatī hai

jaise bāzār meñ har ghar se galī aatī hai

koi tohmat ho mere nam chali aati hai

jaise bazar mein har ghar se gali aati hai

yādoñ kī bauchhāroñ se jab palkeñ bhīgne lagtī haiñ

soñdhī soñdhī lagtī hai tab maazī kī rusvā.ī bhī

yaadon ki bauchhaaron se jab palken bhigne lagti hain

sondhi sondhi lagti hai tab mazi ki ruswai bhi

kis qadar bad-nāmiyāñ haiñ mere saath

kyā batā.ūñ kis qadar tanhā huuñ maiñ

kis qadar bad-namiyan hain mere sath

kya bataun kis qadar tanha hun main

kyā milā tum ko mire ishq kā charchā kar ke

tum bhī rusvā hue āḳhir mujhe rusvā kar ke

kya mila tum ko mere ishq ka charcha kar ke

tum bhi ruswa hue aaKHir mujhe ruswa kar ke

log kahte haiñ ki bad-nāmī se bachnā chāhiye

kah do be is ke javānī kā mazā miltā nahīñ

log kahte hain ki bad-nami se bachna chahiye

kah do be is ke jawani ka maza milta nahin

saarī duniyā hameñ pahchāntī hai

koī ham sā bhī na tanhā hogā

sari duniya hamein pahchanti hai

koi hum sa bhi na tanha hoga

ham tālib-e-shohrat haiñ hameñ nañg se kyā kaam

badnām agar hoñge to kyā naam na hogā

hum talib-e-shohrat hain hamein nang se kya kaam

badnam agar honge to kya nam na hoga

jis jagah baiThe mirā charchā kiyā

ḳhud hue rusvā mujhe rusvā kiyā

jis jagah baiThe mera charcha kiya

KHud hue ruswa mujhe ruswa kiya

mujhe muskurā muskurā kar na dekho

mire saath tum bhī ho rusvā.iyoñ meñ

mujhe muskura muskura kar na dekho

mere sath tum bhi ho ruswaiyon mein

daf.atan tark-e-ta.alluq meñ bhī rusvā.ī hai

uljhe dāman ko chhuḌāte nahīñ jhaTkā de kar

dafatan tark-e-talluq mein bhi ruswai hai

uljhe daman ko chhuDate nahin jhaTka de kar

har-chand tujhe sabr nahīñ dard va-lekin

itnā bhī na miliyo ki vo badnām bahut ho

har-chand tujhe sabr nahin dard wa-lekin

itna bhi na miliyo ki wo badnam bahut ho

'qamar' zarā bhī nahīñ tum ko ḳhauf-e-rusvā.ī

chale ho chāñdnī shab meñ unheñ bulāne ko

'qamar' zara bhi nahin tum ko KHauf-e-ruswai

chale ho chandni shab mein unhen bulane ko

tum ko hazār sharm sahī mujh ko laakh zabt

ulfat vo raaz hai ki chhupāyā na jā.egā

tum ko hazar sharm sahi mujh ko lakh zabt

ulfat wo raaz hai ki chhupaya na jaega

ab tū darvāze se apne naam kī taḳhtī utaar

lafz nañge ho ga.e shohrat bhī gaalī ho ga.ī

ab tu darwaze se apne nam ki taKHti utar

lafz nange ho gae shohrat bhi gali ho gai

us ghar kī badaulat mire sheroñ ko hai shohrat

vo ghar ki jo is shahr meñ badnām bahut hai

us ghar ki badaulat mere sheron ko hai shohrat

wo ghar ki jo is shahr mein badnam bahut hai

dukh de yā rusvā.ī de

ġham ko mire gahrā.ī de

dukh de ya ruswai de

gham ko mere gahrai de

achchhī-ḳhāsī rusvā.ī kā sabab hotī hai

dūsrī aurat pahlī jaisī kab hotī hai

achchhi-KHasi ruswai ka sabab hoti hai

dusri aurat pahli jaisi kab hoti hai

maiñ ise shohrat kahūñ yā apnī rusvā.ī kahūñ

mujh se pahle us galī meñ mere afsāne ga.e

main ise shohrat kahun ya apni ruswai kahun

mujh se pahle us gali mein mere afsane gae

ranj-o-ġham dard-o-alam zillat-o-rusvā.ī hai

ham ne ye dil ke lagāne kī sazā paa.ī hai

ranj-o-gham dard-o-alam zillat-o-ruswai hai

hum ne ye dil ke lagane ki saza pai hai

saarī rusvā.ī zamāne kī gavārā kar ke

zindagī jiite haiñ kuchh log ḳhasāra kar ke

sari ruswai zamane ki gawara kar ke

zindagi jite hain kuchh log KHasara kar ke

vo junūñ ko baḌhā.e jā.eñge

un kī shohrat hai merī rusvā.ī

wo junun ko baDhae jaenge

un ki shohrat hai meri ruswai

sar phoḌ ke mar jā.eñge badnām kareñge

jis kaam se Darte ho vahī kaam kareñge

sar phoD ke mar jaenge badnam karenge

jis kaam se Darte ho wahi kaam karenge

kahiye jo jhuuT to ham hote haiñ kah ke rusvā

sach kahiye to zamāna yaaro nahīñ hai sach kā

kahiye jo jhuT to hum hote hain kah ke ruswa

sach kahiye to zamana yaro nahin hai sach ka

jo terī bazm se uTThā vo is tarah uTThā

kisī kī aañkh meñ aañsū kisī ke dāman meñ

jo teri bazm se uTTha wo is tarah uTTha

kisi ki aankh mein aansu kisi ke daman mein

pyaar karne bhī na paayā thā ki rusvā.ī milī

jurm se pahle hī mujh ko sañg-e-ḳhamyāza lagā

pyar karne bhi na paya tha ki ruswai mili

jurm se pahle hi mujh ko sang-e-KHamyaza laga

merī shohrat ke pīchhe hai

haath bahut rusvā.ī kā

meri shohrat ke pichhe hai

hath bahut ruswai ka

tohmat-e-chand apne zimme dhar chale

jis liye aa.e the ham kar chale

tohmat-e-chand apne zimme dhar chale

jis liye aae the hum kar chale

is shahr meñ to kuchh nahīñ rusvā.ī ke sivā

ai 'dil' ye ishq le ke kidhar aa gayā tujhe

is shahr mein to kuchh nahin ruswai ke siwa

ai 'dil' ye ishq le ke kidhar aa gaya tujhe

chaah kī chitvan merī aañkh us kī sharmā.ī huī

taaḌ lī majlis meñ sab ne saḳht rusvā.ī huī

chah ki chitwan meri aankh us ki sharmai hui

taD li majlis mein sab ne saKHt ruswai hui

vo mere naam kī nisbat se mo'tabar Thahre

galī galī mirī rusvā.iyoñ kā sāthī ho

wo mere nam ki nisbat se mo'tabar Thahre

gali gali meri ruswaiyon ka sathi ho

merī rusvā.ī agar saath na detī merā

yuuñ sar-e-bazm maiñ izzat se nikaltā kaise

meri ruswai agar sath na deti mera

yun sar-e-bazm main izzat se nikalta kaise

zarā sī der ko us ne palaT ke dekhā thā

zarā sī baat kā charchā kahāñ kahāñ huā hai

zara si der ko us ne palaT ke dekha tha

zara si baat ka charcha kahan kahan hua hai

tañg aa gayā huuñ vusat-e-mafhūm-e-ishq se

niklā jo harf muñh se vo afsāna ho gayā

tang aa gaya hun wusat-e-mafhum-e-ishq se

nikla jo harf munh se wo afsana ho gaya

kisī kī shaḳhsiyat majrūh kar dī

zamāne bhar meñ shohrat ho rahī hai

kisi ki shaKHsiyat majruh kar di

zamane bhar mein shohrat ho rahi hai

ghar se us kā bhī nikalnā ho gayā āḳhir muhāl

merī rusvā.ī se shohrat kū-ba-kū us kī bhī thī

ghar se us ka bhi nikalna ho gaya aaKHir muhaal

meri ruswai se shohrat ku-ba-ku us ki bhi thi

kaun maslūb huā husn kā kirdār ki ham

shohrat-e-ishq meñ badnām huā yaar ki ham

kaun maslub hua husn ka kirdar ki hum

shohrat-e-ishq mein badnam hua yar ki hum