Sher on Aaina

aa.ina dekh kar tasallī huī

ham ko is ghar meñ jāntā hai koī

aaina dekh kar tasalli hui

hum ko is ghar mein jaanta hai koi

ā.īna kyuuñ na duuñ ki tamāshā kaheñ jise

aisā kahāñ se lā.ūñ ki tujh sā kaheñ jise

aaina kyun na dun ki tamasha kahen jise

aisa kahan se laun ki tujh sa kahen jise

ā.īna dekh apnā sā muñh le ke rah ga.e

sāhab ko dil na dene pe kitnā ġhurūr thā

aaina dekh apna sa munh le ke rah gae

sahab ko dil na dene pe kitna ghurur tha

dūsroñ par agar tabsira kījiye

sāmne aa.ina rakh liyā kījiye

dusron par agar tabsira kijiye

samne aaina rakh liya kijiye

zarā visāl ke ba.ad aa.ina to dekh ai dost

tire jamāl kī doshīzgī nikhar aa.ī

zara visal ke baad aaina to dekh ai dost

tere jamal ki doshizgi nikhar aai

mirī jagah koī ā.īna rakh liyā hotā

na jaane tere tamāshe meñ merā kaam hai kyā

meri jagah koi aaina rakh liya hota

na jaane tere tamashe mein mera kaam hai kya

koī bhūlā huā chehra nazar aa.e shāyad

ā.īna ġhaur se tū ne kabhī dekhā hī nahīñ

koi bhula hua chehra nazar aae shayad

aaina ghaur se tu ne kabhi dekha hi nahin

ā.īnoñ ko zañg lagā

ab maiñ kaisā lagtā huuñ

aainon ko zang laga

ab main kaisa lagta hun

aa.ina ye to batātā hai ki maiñ kyā huuñ magar

aa.ina is pe hai ḳhāmosh ki kyā hai mujh meñ

aaina ye to batata hai ki main kya hun magar

aaina is pe hai KHamosh ki kya hai mujh mein

hameñ ma.ashūq ko apnā banānā tak nahīñ aatā

banāne vaale ā.īna banā lete haiñ patthar se

hamein mashuq ko apna banana tak nahin aata

banane wale aaina bana lete hain patthar se

maiñ to 'munīr' ā.īne meñ ḳhud ko tak kar hairān huā

ye chehra kuchh aur tarah thā pahle kisī zamāne meñ

main to 'munir' aaine mein KHud ko tak kar hairan hua

ye chehra kuchh aur tarah tha pahle kisi zamane mein

dekhnā achchhā nahīñ zaanū pe rakh kar aa.ina

donoñ nāzuk haiñ na rakhiyo aa.ine par aa.ina

dekhna achchha nahin zanu pe rakh kar aaina

donon nazuk hain na rakhiyo aaine par aaina

muddateñ guzrīñ mulāqāt huī thī tum se

phir koī aur na aayā nazar ā.īne meñ

muddaten guzrin mulaqat hui thi tum se

phir koi aur na aaya nazar aaine mein

mushkil bahut paḌegī barābar kī choT hai

ā.īna dekhiyegā zarā dekh-bhāl ke

mushkil bahut paDegi barabar ki choT hai

aaina dekhiyega zara dekh-bhaal ke

ye sub.h kī safediyāñ ye dopahar kī zardiyāñ

ab ā.īne meñ dekhtā huuñ maiñ kahāñ chalā gayā

ye subh ki safediyan ye dopahar ki zardiyan

ab aaine mein dekhta hun main kahan chala gaya

aa.ina dekh kar vo ye samjhe

mil gayā husn-e-be-misāl hameñ

aaina dekh kar wo ye samjhe

mil gaya husn-e-be-misal hamein

dekhiyegā sambhal kar ā.īna

sāmnā aaj hai muqābil kā

dekhiyega sambhal kar aaina

samna aaj hai muqabil ka

dil par choT paḌī hai tab to aah laboñ tak aa.ī hai

yuuñ hī chhan se bol uThnā to shīshe kā dastūr nahīñ

dil par choT paDi hai tab to aah labon tak aai hai

yun hi chhan se bol uThna to shishe ka dastur nahin

ḳhvāb kā rishta haqīqat se na joḌā jaa.e

ā.īna hai ise patthar se na toḌā jaa.e

KHwab ka rishta haqiqat se na joDa jae

aaina hai ise patthar se na toDa jae

chāhe sone ke frame meñ jaḌ do

aa.ina jhuuT boltā hī nahīñ

chahe sone ke frame mein jaD do

aaina jhuT bolta hi nahin

na dekhnā kabhī ā.īna bhuul kar dekho

tumhāre husn kā paidā javāb kar degā

na dekhna kabhi aaina bhul kar dekho

tumhaare husn ka paida jawab kar dega

pahle to merī yaad se aa.ī hayā unheñ

phir aa.ine meñ chuum liyā apne-āp ko

pahle to meri yaad se aai haya unhen

phir aaine mein chum liya apne-ap ko

aa.ine se nazar churāte haiñ

jab se apnā javāb dekhā hai

aaine se nazar churaate hain

jab se apna jawab dekha hai

bhūle-bisre hue ġham phir ubhar aate haiñ ka.ī

ā.īna dekheñ to chehre nazar aate haiñ ka.ī

bhule-bisre hue gham phir ubhar aate hain kai

aaina dekhen to chehre nazar aate hain kai

merī naqleñ utārne lagā hai

ā.īne kā batāo kyā kiyā jaa.e

meri naqlen utarne laga hai

aaine ka batao kya kiya jae

aa.ina dekh ke farmāte haiñ

kis ġhazab kī hai javānī merī

aaina dekh ke farmate hain

kis ghazab ki hai jawani meri

be-sāḳhta bikhar ga.ī jalvoñ kī kā.enāt

ā.īna TuuT kar tirī añgḌā.ī ban gayā

be-saKHta bikhar gai jalwon ki kaenat

aaina TuT kar teri angDai ban gaya

pyaar apne pe jo aatā hai to kyā karte haiñ

ā.īna dekh ke muñh chuum liyā karte haiñ

pyar apne pe jo aata hai to kya karte hain

aaina dekh ke munh chum liya karte hain

ik baar jo TuuTe to kabhī juḌ nahīñ saktā

ā.īna nahīñ dil magar ā.īna-numā hai

ek bar jo TuTe to kabhi juD nahin sakta

aaina nahin dil magar aaina-numa hai

aa.ina aa.ina tairtā koī aks

aur har ḳhvāb meñ dūsrā ḳhvāb hai

aaina aaina tairta koi aks

aur har KHwab mein dusra KHwab hai

jo reza reza nahīñ dil use nahīñ kahte

kaheñ na ā.īna us ko jo pāra-pāra nahīñ

jo reza reza nahin dil use nahin kahte

kahen na aaina us ko jo para-para nahin

ham ne dekhā hai rū-ba-rū un ke

ā.īna ā.īna nahīñ hotā

hum ne dekha hai ru-ba-ru un ke

aaina aaina nahin hota

vahdat meñ terī harf duī kā na aa sake

ā.īna kyā majāl tujhe muñh dikhā sake

wahdat mein teri harf dui ka na aa sake

aaina kya majal tujhe munh dikha sake

ā.īna kabhī qābil-e-dīdār na hove

gar ḳhaak ke saath us ko sarokār na hove

aaina kabhi qabil-e-didar na howe

gar KHak ke sath us ko sarokar na howe

tumhāre sañg-e-taġhāful kā kyuuñ kareñ shikva

is aa.ine kā muqaddar hī TūTnā hogā

tumhaare sang-e-taghaful ka kyun karen shikwa

is aaine ka muqaddar hi TuTna hoga

koī muñh pher letā hai to 'qāsir' ab shikāyat kyā

tujhe kis ne kahā thā aa.ine ko toḌ kar le jā

koi munh pher leta hai to 'qasir' ab shikayat kya

tujhe kis ne kaha tha aaine ko toD kar le ja

maiñ tire vāste ā.īna thā

apnī sūrat ko taras ab kyā hai

main tere waste aaina tha

apni surat ko taras ab kya hai

banāyā toḌ ke ā.īna ā.īna-ḳhāna

na dekhī raah jo ḳhalvat se anjuman kī taraf

banaya toD ke aaina aaina-KHana

na dekhi rah jo KHalwat se anjuman ki taraf

is liye kahte the dekhā muñh lagāne kā maza

ā.īna ab aap kā madd-e-muqābil ho gayā

is liye kahte the dekha munh lagane ka maza

aaina ab aap ka madd-e-muqabil ho gaya

un kī yaktā.ī kā da.avā miT gayā

aa.ine ne dūsrā paidā kiyā

un ki yaktai ka dawa miT gaya

aaine ne dusra paida kiya

aa.ina ye to batātā hai maiñ kyā huuñ lekin

aa.ina is pe hai ḳhāmosh ki kyā hai mujh meñ

aaina ye to batata hai main kya hun lekin

aaina is pe hai KHamosh ki kya hai mujh mein

sitār-e-ḳhvāb se bhī baḌh kar ye kaun be-mehr hai ki jis ne

charāġh aur aa.ine ko apne vajūd kā rāz-dāñ kiyā hai

sitar-e-KHwab se bhi baDh kar ye kaun be-mehr hai ki jis ne

charagh aur aaine ko apne wajud ka raaz-dan kiya hai

dekhnā paḌtī hai ḳhud hī aks kī sūrat-garī

aa.ina kaise batā.e aa.ine meñ kaun hai

dekhna paDti hai KHud hi aks ki surat-gari

aaina kaise batae aaine mein kaun hai

dekh ā.īna jo kahtā hai ki allāh-re maiñ

us kā maiñ dekhne vaalā huuñ 'baqā' vāh-re maiñ

dekh aaina jo kahta hai ki allah-re main

us ka main dekhne wala hun 'baqa' wah-re main

pattharo aao ki nādim haiñ shabīheñ ḳhud par

aa.ine apnī jasārat kī sazā chāhte haiñ

pattharo aao ki nadim hain shabihen KHud par

aaine apni jasarat ki saza chahte hain

ek ko do kar dikhā.e aa.ina

gar banā.eñ āhan-e-shamshīr se

ek ko do kar dikhae aaina

gar banaen aahan-e-shamshir se