بے نیازی پر اشعار

یہ ادائے بے نیازی تجھے بے وفا مبارک

مگر ایسی بے رخی کیا کہ سلام تک نہ پہنچے

بے نیازی حد سے گزری بندہ پرور کب تلک

ہم کہیں گے حال دل اور آپ فرماویں گے کیا

مجھے اب دیکھتی ہے زندگی یوں بے نیازانہ

کہ جیسے پوچھتی ہو کون ہو تم جستجو کیا ہے

عاشقوں کی خستگی بد حالی کی پروا نہیں

اے سراپا ناز تو نے بے نیازی خوب کی

کیا آج کل سے اس کی یہ بے توجہی ہے

منہ ان نے اس طرف سے پھیرا ہے میرؔ کب کا

ساری دنیا سے بے نیازی ہے

واہ اے مست ناز کیا کہنا