ab charāġhoñ meñ zindagī kam hai

dil jalāo ki raushnī kam hai

ab charaghon mein zindagi kam hai

dil jalao ki raushni kam hai

nahīñ miltī unheñ manzil jinheñ ḳhauf-e-havādis hai

jo maujoñ se nahīñ Darte nadī ko paar karte haiñ

nahin milti unhen manzil jinhen KHauf-e-hawadis hai

jo maujon se nahin Darte nadi ko par karte hain

bevafā kahiye bā-vafā kahiye

dil meñ aa.e jo barmalā kahiye

bewafa kahiye ba-wafa kahiye

dil mein aae jo barmala kahiye

sab apnī apnī raah par aage nikal ga.e

ab kis kā intizār kiye jā rahe haiñ ham

sab apni apni rah par aage nikal gae

ab kis ka intizar kiye ja rahe hain hum

zindagī chhoTī hai sāmān bahut

aur dil ke bhī haiñ armān bahut

zindagi chhoTi hai saman bahut

aur dil ke bhi hain arman bahut