Sher on Teer

tiir khāne kī havas hai to jigar paidā kar

sarfaroshī kī tamannā hai to sar paidā kar

tir khane ki hawas hai to jigar paida kar

sarfaroshi ki tamanna hai to sar paida kar

ik parinda abhī uḌaan meñ hai

tiir har shaḳhs kī kamān meñ hai

ek parinda abhi uDan mein hai

tir har shaKHs ki kaman mein hai

ik aur tiir chalā apnā ahd puurā kar

abhī parinde meñ thoḌī sī jaan baaqī hai

ek aur tir chala apna ahd pura kar

abhi parinde mein thoDi si jaan baqi hai

tiir pe tiir nishānoñ pe nishāne badle

shukr hai husn ke andāz purāne badle

tir pe tir nishanon pe nishane badle

shukr hai husn ke andaz purane badle

zindagī ke hasīn tarkash meñ

kitne be-rahm tiir hote haiñ

zindagi ke hasin tarkash mein

kitne be-rahm tir hote hain

shukriya reshmī dilāse kā

tiir to aap ne bhī maarā thā

shukriya reshmi dilase ka

tir to aap ne bhi mara tha

hāl-e-ġham kah ke ġham baḌhā baiThe

tiir maare the tiir khā baiThe

haal-e-gham kah ke gham baDha baiThe

tir mare the tir kha baiThe

mīThī bāteñ, kabhī talḳh lahje ke tiir

dil pe har din hai un kā karam bhī nayā

miThi baaten, kabhi talKH lahje ke tir

dil pe har din hai un ka karam bhi naya

jañg kā hathiyār tai kuchh aur thā

tiir siine meñ utārā aur hai

jang ka hathiyar tai kuchh aur tha

tir sine mein utara aur hai

kab un āñkhoñ kā sāmnā na huā

tiir jin kā kabhī ḳhatā na huā

kab un aankhon ka samna na hua

tir jin ka kabhi KHata na hua

kitne hī zaḳhm haiñ mire ik zaḳhm meñ chhupe

kitne hī tiir aane lage ik nishān par

kitne hi zaKHm hain mere ek zaKHm mein chhupe

kitne hi tir aane lage ek nishan par

barsāo tiir mujh pe magar itnā jaan lo

pahlū meñ dil hai dil meñ tumhārā ḳhayāl hai

barsao tir mujh pe magar itna jaan lo

pahlu mein dil hai dil mein tumhaara KHayal hai

yuuñ taras khā ke na pūchho ahvāl

tiir siine pe lagā ho jaise

yun taras kha ke na puchho ahwal

tir sine pe laga ho jaise

tiir o kamān aap bhī 'mohsin' sambhāliye

jab dostī kī aaḌ meñ ḳhanjar dikhā.ī de

tir o kaman aap bhi 'mohsin' sambhaaliye

jab dosti ki aaD mein KHanjar dikhai de

kis se pūchheñ ki vo andāz-e-nazar

kab tabassum huā kab tiir huā

kis se puchhen ki wo andaz-e-nazar

kab tabassum hua kab tir hua

kab nikaltā hai ab jigar se tiir

ye bhī kyā terī āshnā.ī hai

kab nikalta hai ab jigar se tir

ye bhi kya teri aashnai hai

karbalā meñ ruḳh-e-asġhar kī taraf

tiir chalte nahīñ dekhe jaate

karbala mein ruKH-e-asghar ki taraf

tir chalte nahin dekhe jate

vaqt mohlat na degā phir tum ko

tiir jis dam kamān se niklā

waqt mohlat na dega phir tum ko

tir jis dam kaman se nikla

ġhair par kyuuñ nigāh karte ho

mujh ko is tiir kā nishāna karo

ghair par kyun nigah karte ho

mujh ko is tir ka nishana karo

ye nād-e-alī kā ajab mo.ajiza thā

sabhī tiir palTe kamānoñ kī jānib

ye nad-e-ali ka ajab moajiza tha

sabhi tir palTe kamanon ki jaanib

marhale aur aane vaale haiñ

tiir apnā abhī kamān meñ rakh

marhale aur aane wale hain

tir apna abhi kaman mein rakh

terā andāz nirālā sab se

tiir to ek nishāne kyā kyā

tera andaz nirala sab se

tir to ek nishane kya kya

chalegā tiir jab apnī duā kā

kaleje dushmanoñ ke chhān degā

chalega tir jab apni dua ka

kaleje dushmanon ke chhan dega

tere mizhgāñ kī kyā karūñ tārīf

tiir ye be-kamān jaatā hai

tere mizhgan ki kya karun tarif

tir ye be-kaman jata hai

mohabbat tiir hai aur tiir bātin chhed detā hai

magar niyyat ġhalat ho to nishāne par nahīñ lagtā

mohabbat tir hai aur tir baatin chhed deta hai

magar niyyat ghalat ho to nishane par nahin lagta

jiine kī nahīñ umiid ham ko

tiir us kā jigar ke paar niklā

jine ki nahin umid hum ko

tir us ka jigar ke par nikla

namī jagah banā rahī hai aañkh meñ

ye tiir ab kamān se nikāliye

nami jagah bana rahi hai aankh mein

ye tir ab kaman se nikaliye

ho ga.e ruḳhsat 'ra.īs' o 'ālī' o 'vāsif' 'nisār'

rafta rafta āgara 'sīmāb' suunā ho gayā

ho gae ruKHsat 'rais' o 'ali' o 'wasif' 'nisar'

rafta rafta aagara 'simab' suna ho gaya

palak fasāna sharārat hijāb tiir duā

tamannā niiñd ishāra ḳhumār saḳht thakī

palak fasana shararat hijab tir dua

tamanna nind ishaara KHumar saKHt thaki

qatl ke kab the ye saare sāmāñ

ek tiir ek kamāñ thī pahle

qatl ke kab the ye sare saman

ek tir ek kaman thi pahle

ek tīr-e-nazar idhar maaro

dil tarastā hai jaañ tarastī hai

ek tir-e-nazar idhar maro

dil tarasta hai jaan tarasti hai

maiñ bhī 'tasavvur' un meñ thā

jin ke tiir ḳhatā ke the

main bhi 'tasawwur' un mein tha

jin ke tir KHata ke the

ye tiir yuuñ hī nahīñ dushmanoñ talak jaate

badan kā saarā khichāo kamāñ pe paḌtā hai

ye tir yun hi nahin dushmanon talak jate

badan ka sara khichao kaman pe paDta hai

bach gayā tīr-e-nigāh-e-yār se

vāqa.ī ā.īna hai faulād kā

bach gaya tir-e-nigah-e-yar se

waqai aaina hai faulad ka

zaḳhm kaarī bahut lagā dil par

tiir apnoñ ne ik chalāyā thā

zaKHm kari bahut laga dil par

tir apnon ne ek chalaya tha

nishāna bane dil rahe tiir dil meñ

nishānī nahīñ is nishānī se achchhī

nishana bane dil rahe tir dil mein

nishani nahin is nishani se achchhi

dil jo ummīd-vār hotā hai

tīr-e-ġham kā shikār hotā hai

dil jo ummid-war hota hai

tir-e-gham ka shikar hota hai

tiir mat dekh mire zaḳhm ko dekh

yār-e-yār apnā adū meñ gum hai

tir mat dekh mere zaKHm ko dekh

yar-e-yar apna adu mein gum hai

sab nishāne agar sahīh hote

tiir koī ḳhatā nahīñ hotā

sab nishane agar sahih hote

tir koi KHata nahin hota

tiir par tiir lage to bhī na paikāñ nikle

yārab is ghar meñ jo aave na vo mehmāñ nikle

tir par tir lage to bhi na paikan nikle

yarab is ghar mein jo aawe na wo mehman nikle

ham bhī haiñ 'bilqīs' majrūhīn meñ

ham pe bhī tiir o tabar chalte rahe

hum bhi hain 'bilqis' majruhin mein

hum pe bhi tir o tabar chalte rahe

ret par vo paḌī hai mushk koī

tiir bhī aur kamān sā kuchh hai

ret par wo paDi hai mushk koi

tir bhi aur kaman sa kuchh hai