Sher on Taghaful

ik tarz-e-taġhāful hai so vo un ko mubārak

ik arz-e-tamannā hai so ham karte raheñge

ek tarz-e-taghaful hai so wo un ko mubarak

ek arz-e-tamanna hai so hum karte rahenge

is nahīñ kā koī ilaaj nahīñ

roz kahte haiñ aap aaj nahīñ

is nahin ka koi ilaj nahin

roz kahte hain aap aaj nahin

ham ne maanā ki taġhāful na karoge lekin

ḳhaak ho jā.eñge ham tum ko ḳhabar hote tak

hum ne mana ki taghaful na karoge lekin

KHak ho jaenge hum tum ko KHabar hote tak

kabhī yak-ba-yak tavajjoh kabhī daf.atan taġhāful

mujhe aazmā rahā hai koī ruḳh badal badal kar

kabhi yak-ba-yak tawajjoh kabhi dafatan taghaful

mujhe aazma raha hai koi ruKH badal badal kar

us ne bārish meñ bhī khiḌkī khol ke dekhā nahīñ

bhīgne vāloñ ko kal kyā kyā pareshānī huī

us ne barish mein bhi khiDki khol ke dekha nahin

bhigne walon ko kal kya kya pareshani hui

ye adā-e-be-niyāzī tujhe bevafā mubārak

magar aisī be-ruḳhī kyā ki salām tak na pahuñche

ye ada-e-be-niyazi tujhe bewafa mubarak

magar aisi be-ruKHi kya ki salam tak na pahunche

sun ke saarī dāstān-e-rañj-o-ġham

kah diyā us ne ki phir ham kyā kareñ

sun ke sari dastan-e-ranj-o-gham

kah diya us ne ki phir hum kya karen

har ek baat ke yuuñ to diye javāb us ne

jo ḳhaas baat thī har baar hañs ke Taal gayā

har ek baat ke yun to diye jawab us ne

jo KHas baat thi har bar hans ke Tal gaya

tumheñ yaad hī na aa.uuñ ye hai aur baat varna

maiñ nahīñ huuñ duur itnā ki salām tak na pahuñche

tumhein yaad hi na aaun ye hai aur baat warna

main nahin hun dur itna ki salam tak na pahunche

kis muñh se kareñ un ke taġhāful kī shikāyat

ḳhud ham ko mohabbat kā sabaq yaad nahīñ hai

kis munh se karen un ke taghaful ki shikayat

KHud hum ko mohabbat ka sabaq yaad nahin hai

phir aur taġhāful kā sabab kyā hai ḳhudāyā

maiñ yaad na aa.uuñ unheñ mumkin hī nahīñ hai

phir aur taghaful ka sabab kya hai KHudaya

main yaad na aaun unhen mumkin hi nahin hai

us jagah jā ke vo baiThā hai bharī mahfil meñ

ab jahāñ mere ishāre bhī nahīñ jā sakte

us jagah ja ke wo baiTha hai bhari mahfil mein

ab jahan mere ishaare bhi nahin ja sakte

us ne sun kar baat merī Taal dī

uljhanoñ meñ aur uljhan Daal dī

us ne sun kar baat meri Tal di

uljhanon mein aur uljhan Dal di

ba.ad marne ke mirī qabr pe aayā 'ġhāfil'

yaad aa.ī mire iisā ko davā mere ba.ad

baad marne ke meri qabr pe aaya 'ghafil'

yaad aai mere isa ko dawa mere baad

tum nazar kyuuñ churā.e jaate ho

jab tumheñ ham salām karte haiñ

tum nazar kyun churae jate ho

jab tumhein hum salam karte hain

o aañkh churā ke jaane vaale

ham bhī the kabhī tirī nazar meñ

o aankh chura ke jaane wale

hum bhi the kabhi teri nazar mein

ham tirī raah meñ juuñ naqsh-e-qadam baiThe haiñ

tū taġhāful kiye ai yaar chalā jaatā hai

hum teri rah mein jun naqsh-e-qadam baiThe hain

tu taghaful kiye ai yar chala jata hai

unheñ to sitam kā mazā paḌ gayā hai

kahāñ kā tajāhul kahāñ kā taġhāful

unhen to sitam ka maza paD gaya hai

kahan ka tajahul kahan ka taghaful

sunāte ho kise ahvāl 'māhir'

vahāñ to muskurāyā jā rahā hai

sunate ho kise ahwal 'mahir'

wahan to muskuraya ja raha hai

paḌhe jaao 'beḳhud' ġhazal par ġhazal

vo but ban ga.e haiñ sune jā.eñge

paDhe jao 'beKHud' ghazal par ghazal

wo but ban gae hain sune jaenge

'vahshat' us but ne taġhāful jab kiyā apnā shi.ār

kaam ḳhāmoshī se maiñ ne bhī liyā fariyād kā

'wahshat' us but ne taghaful jab kiya apna shiar

kaam KHamoshi se main ne bhi liya fariyaad ka

tumhāre dil meñ kyā nā-mehrbānī aa ga.ī zālim

ki yuuñ pheñkā judā mujh se phaḌaktī machhlī ko jal siiñ

tumhaare dil mein kya na-mehrbani aa gai zalim

ki yun phenka juda mujh se phaDakti machhli ko jal sin

maiñ dar-guzrā sāhib-salāmat se bhī

ḳhudā ke liye itnā barham na ho

main dar-guzra sahib-salamat se bhi

KHuda ke liye itna barham na ho