احسان پر اشعار

سچ ہے احسان کا بھی بوجھ بہت ہوتا ہے

چار پھولوں سے دبی جاتی ہے تربت میری

ہم سے یہ بار لطف اٹھایا نہ جائے گا

احساں یہ کیجئے کہ یہ احساں نہ کیجئے

یہ ہے کہ جھکاتا ہے مخالف کی بھی گردن

سن لو کہ کوئی شے نہیں احسان سے بہتر

جس نے کچھ احساں کیا اک بوجھ سر پر رکھ دیا

سر سے تنکا کیا اتارا سر پہ چھپر رکھ دیا

سر پہ احسان رہا بے سر و سامانی کا

خار صحرا سے نہ الجھا کبھی دامن اپنا

احسان رب محبتیں اتنی ملیں عدیلؔ

اس عمر مختصر میں نہ لوٹا سکیں گے ہم

اس دشت پہ احساں نہ کر اے ابر رواں اور

جب آگ ہو نم خوردہ تو اٹھتا ہے دھواں اور

ملے قطرہ قطرہ یہ کیا زندگی ہے

اے دریائے رحمت وہی تشنگی ہے