ملنا تھا اتفاق بچھڑنا نصیب تھا

وہ اتنی دور ہو گیا جتنا قریب تھا

کچھ دن سے زندگی مجھے پہچانتی نہیں

یوں دیکھتی ہے جیسے مجھے جانتی نہیں

ماں مجھے دیکھ کے ناراض نہ ہو جائے کہیں

سر پہ آنچل نہیں ہوتا ہے تو ڈر ہوتا ہے

تجھ کو دنیا کے ساتھ چلنا ہے

تو مرے ساتھ چل نہ پائے گا

دفنا دیا گیا مجھے چاندی کی قبر میں

میں جس کو چاہتی تھی وہ لڑکا غریب تھا

انجمؔ تمہارا شہر جدھر ہے اسی طرف

اک ریل جا رہی تھی کہ تم یاد آ گئے

تم کو بھلا رہی تھی کہ تم یاد آ گئے

میں زہر کھا رہی تھی کہ تم یاد گئے

سچ بات مان لیجئے چہرے پہ دھول ہے

الزام آئنوں پہ لگانا فضول ہے

کل شام چھت پہ میر تقی میرؔ کی غزل

میں گنگنا رہی تھی کہ تم یاد آ گئے