ایک طریقہ یہ بھی ہے جب جینا اک ناچاری ہو

ایک طریقہ یہ بھی ہے جب جینا اک ناچاری ہو

ہاتھ بندھے ہوں سینے پر دل بیعت سے انکاری ہو

جشن ظفر ایک اور سفر کی ساعت کا دیباچہ ہے

خیمۂ شب میں رقص بھی ہو اور کوچ کی بھی تیاری ہو

اس سے کم پر رم خوردوں کا کون تعاقب کرتا ہے

یا بانوئے کوئے اودھ ہو یا آہوئے تتاری ہو

دائم ہے سلطانی ہم شہزادوں خاک نہادوں کی

برق و شرر کی مسند ہو یا تخت باد بہاری ہو

ہم تو رات کا مطلب سمجھیں خواب، ستارے، چاند، چراغ

آگے کا احوال وہ جانے جس نے رات گزاری ہو