Sher on Unity

ḳhanjar chale kisī pe taḌapte haiñ ham 'amīr'

saare jahāñ kā dard hamāre jigar meñ hai

KHanjar chale kisi pe taDapte hain hum 'amir'

sare jahan ka dard hamare jigar mein hai

saat sandūqoñ meñ bhar kar dafn kar do nafrateñ

aaj insāñ ko mohabbat kī zarūrat hai bahut

sat sanduqon mein bhar kar dafn kar do nafraten

aaj insan ko mohabbat ki zarurat hai bahut

jañg to ḳhud hī ek mas.ala hai

jañg kyā mas.aloñ kā hal degī

jang to KHud hi ek masala hai

jang kya masalon ka hal degi

ham apnī jaan ke dushman ko apnī jaan kahte haiñ

mohabbat kī isī miTTī ko hindustān kahte haiñ

hum apni jaan ke dushman ko apni jaan kahte hain

mohabbat ki isi miTTi ko hindustan kahte hain

ek ho jaa.eñ to ban sakte haiñ ḳhurshīd-e-mubīñ

varna in bikhre hue tāroñ se kyā kaam bane

ek ho jaen to ban sakte hain KHurshid-e-mubin

warna in bikhre hue taron se kya kaam bane

'hafīz' apnī bolī mohabbat kī bolī

na urdu na hindī na hindostānī

'hafiz' apni boli mohabbat ki boli

na urdu na hindi na hindostani

diloñ meñ hubb-e-vatan hai agar to ek raho

nikhārnā ye chaman hai agar to ek raho

dilon mein hubb-e-watan hai agar to ek raho

nikhaarna ye chaman hai agar to ek raho

sagī bahnoñ kā jo rishta hai urdu aur hindī meñ

kahīñ duniyā kī do zinda zabānoñ meñ nahīñ miltā

sagi bahnon ka jo rishta hai urdu aur hindi mein

kahin duniya ki do zinda zabanon mein nahin milta

ab to maz.hab koī aisā bhī chalāyā jaa.e

jis meñ insān ko insān banāyā jaa.e

ab to mazhab koi aisa bhi chalaya jae

jis mein insan ko insan banaya jae

yahī hai ibādat yahī diin o īmāñ

ki kaam aa.e duniyā meñ insāñ ke insāñ

yahi hai ibaadat yahi din o iman

ki kaam aae duniya mein insan ke insan

ik shajar aisā mohabbat kā lagāyā jaa.e

jis kā ham-sā.e ke āñgan meñ bhī saayā jaa.e

ek shajar aisa mohabbat ka lagaya jae

jis ka ham-sae ke aangan mein bhi saya jae

mujh meñ thoḌī sī jagah bhī nahīñ nafrat ke liye

maiñ to har vaqt mohabbat se bharā rahtā huuñ

mujh mein thoDi si jagah bhi nahin nafrat ke liye

main to har waqt mohabbat se bhara rahta hun

ajiib dard kā rishta hai saarī duniyā meñ

kahīñ ho jaltā makāñ apnā ghar lage hai mujhe

ajib dard ka rishta hai sari duniya mein

kahin ho jalta makan apna ghar lage hai mujhe

ye duniyā nafratoñ ke āḳhrī stage pe hai

ilaaj is kā mohabbat ke sivā kuchh bhī nahīñ hai

ye duniya nafraton ke aaKHri stage pe hai

ilaj is ka mohabbat ke siwa kuchh bhi nahin hai

nafrat ke ḳhazāne meñ to kuchh bhī nahīñ baaqī

thoḌā sā guzāre ke liye pyaar bachā.eñ

nafrat ke KHazane mein to kuchh bhi nahin baqi

thoDa sa guzare ke liye pyar bachaen

hamārā ḳhuun kā rishta hai sarhadoñ kā nahīñ

hamāre ḳhuun meñ gañgā bhī chanāb bhī hai

hamara KHun ka rishta hai sarhadon ka nahin

hamare KHun mein ganga bhi chanab bhi hai

hamāre ġham tumhāre ġham barābar haiñ

so is nisbat se tum aur ham barābar haiñ

hamare gham tumhaare gham barabar hain

so is nisbat se tum aur hum barabar hain

kisī kā koī mar jaa.e hamāre ghar meñ mātam hai

ġharaz bārah mahīne tiis din ham ko moharram hai

kisi ka koi mar jae hamare ghar mein matam hai

gharaz barah mahine tis din hum ko moharram hai

ahl-e-hunar ke dil meñ dhaḌakte haiñ sab ke dil

saare jahāñ kā dard hamāre jigar meñ hai

ahl-e-hunar ke dil mein dhaDakte hain sab ke dil

sare jahan ka dard hamare jigar mein hai

ranjisheñ aisī hazār aapas meñ hotī haiñ dilā

vo agar tujh se ḳhafā hai tū hī jā mil kyā huā

ranjishen aisi hazar aapas mein hoti hain dila

wo agar tujh se KHafa hai tu hi ja mil kya hua

suno hindū musalmāno ki faiz-e-ishq se 'hātim'

huā āzād qaid-e-maz.hab-o-mashrab se ab fāriġh

suno hindu musalmano ki faiz-e-ishq se 'hatim'

hua aazad qaid-e-mazhab-o-mashrab se ab farigh

ham ahl-e-dil ne me.ayār-e-mohabbat bhī badal Daale

jo ġham har fard kā ġham hai usī ko ġham samajhte haiñ

hum ahl-e-dil ne meayar-e-mohabbat bhi badal Dale

jo gham har fard ka gham hai usi ko gham samajhte hain

mire sehan par khulā āsmān rahe ki maiñ

use dhuup chhāñv meñ bāñTanā nahīñ chāhtā

mere sehan par khula aasman rahe ki main

use dhup chhanw mein banTana nahin chahta

pī sharāb nām-e-rindāñ tā asar suuñ kaif ke

zikr-e-allāh allāh ho ve gar kahe tū raam raam

pi sharab nam-e-rindan ta asar sun kaif ke

zikr-e-allah allah ho we gar kahe tu ram ram