ye hijrato.n kaa zamaanaa bhii kyaa zamaanaa hai unhii.n se duur hai.n jin ke liye kamaanaa hai KHushii ye hai ki mire ghar se phone aayaa hai sitam ye hai ki mujhe KHairiyat bataanaa hai hame.n ye baat bahut der me.n samajh aa.ii vahii.n to jaal bichhaa hai jahaa.n bhii daana hai hame.n jalaa nahii.n saktii hai dhuup hijrat kii hamaare sar pe zaruurat kaa shaamiyaana hai namaaz eid kii pa.Dh kar mai.n Dhuu.nDhtaa hii rahaa kahii.n dikhe ko.ii apnaa gale lagaanaa hai vahii.n vahii.n liye phirtii hai gardish-e-dauraa.n jahaa.n jahaa.n bhii likhaa meraa aab-o-daana hai