aah to ab bhī dil se uThtī hai

lekin us meñ asar nahīñ hotā

aah to ab bhi dil se uThti hai

lekin us mein asar nahin hota

har soch meñ sañgīn fazāoñ kā fasāna

har fikr meñ shāmil huā tahrīr kā mātam

har soch mein sangin fazaon ka fasana

har fikr mein shamil hua tahrir ka matam

maiñ ki tere dhyān meñ gum thā

duniyā mujh ko DhūñDh rahī thī

main ki tere dhyan mein gum tha

duniya mujh ko DhunDh rahi thi

yaad na aane kā va.ada kar ke

vo to pahle se sivā yaad aayā

yaad na aane ka wada kar ke

wo to pahle se siwa yaad aaya

ye bādal ġham ke mausam ke jo chhaT jaate to achchhā thā

ye phailā.e hue manzar simaT jaate to achchhā thā

ye baadal gham ke mausam ke jo chhaT jate to achchha tha

ye phailae hue manzar simaT jate to achchha tha