havā ke dosh pe uḌtī huī ḳhabar to suno

havā kī baat bahut duur jaane vaalī hai

hawa ke dosh pe uDti hui KHabar to suno

hawa ki baat bahut dur jaane wali hai

maiñ na dariyā huuñ na sāhil na safīna na bhañvar

dāvar-e-ġham kisī sāñche meñ to Dhāle mujh ko

main na dariya hun na sahil na safina na bhanwar

dawar-e-gham kisi sanche mein to Dhaale mujh ko

mujh ko 'jalīl' kaun kahegā shikasta-dil

khāyā thā ek zaḳhm so vo be-nishāñ rahā

mujh ko 'jalil' kaun kahega shikasta-dil

khaya tha ek zaKHm so wo be-nishan raha

safīne Duub ga.e kitne dil ke sāgar meñ

ḳhudā kare tirī yādoñ kī naav chaltī rahe

safine Dub gae kitne dil ke sagar mein

KHuda kare teri yaadon ki naw chalti rahe