ye jafāoñ kī sazā hai ki tamāshā.ī hai tū

ye vafāoñ kī sazā hai ki pa.e-dār huuñ maiñ

ye jafaon ki saza hai ki tamashai hai tu

ye wafaon ki saza hai ki pae-dar hun main

gir na jaa.e tire meyār se andāz-e-hurūf

yuuñ kabhī naam bhī terā nahīñ likhkhā maiñ ne

gir na jae tere meyar se andaz-e-huruf

yun kabhi nam bhi tera nahin likhkha main ne

umr hī terī guzar jā.egī un ke hal meñ

terā bachcha jo savālāt liye baiThā hai

umr hi teri guzar jaegi un ke hal mein

tera bachcha jo sawalat liye baiTha hai

aaj kā ḳhat hī use bhejā hai korā lekin

aaj kā ḳhat hī adhūrā nahīñ likhkhā maiñ ne

aaj ka KHat hi use bheja hai kora lekin

aaj ka KHat hi adhura nahin likhkha main ne

tū hañsī le ke mirī aañkh ko aañsū de de

mujh se sūkhā huā dariyā nahīñ dekhā jaatā

tu hansi le ke meri aankh ko aansu de de

mujh se sukha hua dariya nahin dekha jata