شہید آزادی

ایک انسان بھی تاریخ بدل سکتا ہے

جب بھگت سنگھ یاد آتا ہے

دل یہ پھولا نہیں سماتا ہے

فخر کرتا ہے اپنا سر اونچا

خون رگ رگ میں دوڑ جاتا ہے

ہم نے دیکھا ہے اپنی آنکھوں سے

عہد ماضی یہی بتاتا ہے

جو وطن پر نثار ہوتا ہے

روح و دل میں مقام پاتا ہے

اس کو تاریخ یاد کرتی ہے

مثل خورشید جگمگاتا ہے

رن میں آزادیٔ وطن کے لئے

اک مجاہد جو کام آتا ہے

آپ قربان ہو کے میداں میں

قوم کے حوصلے بڑھاتا ہے

جبر آتا ہے برق کی زد پر

ظلم کا تخت ڈگمگاتا ہے

اور جب تک ملے نہ آزادی

پرچم عزم لہلہاتا ہے

جاری رہتی ہے جنگ آزادی

ایک کے بعد ایک آتا ہے