jaan beTa KHilafat pe de do

bolīñ amaañ 'mohammad-alī' kī

jaan beTā ḳhilāfat pe de do

saath tere haiñ 'shaukat-alī' bhī

jaan beTā ḳhilāfat pe de do

gar zarā sust dekhūñgī tum ko

duudh hargiz na baḳhsūñgī tum ko

maiñ dilāvar na samjhūñgī tum ko

jaan beTā ḳhilāfat pe de do

ġhaib se merī imdād hogī

ab hukūmat ye barbād hogī

hashr tak ab na ābād hogī

jaan beTā ḳhilāfat pe de do

khāñsī aa.e agar tum ko jaanī

māñgnā mat hukūmat se paanī

būḌhī amaañ kā kuchh ġham na karnā

kalma paḌh paḌh ḳhilāfat pe marnā

puure us imtihāñ meñ utarnā

jaan beTā ḳhilāfat pe de do

hote mere agar saat beTe

kartī sab ko ḳhilāfat pe sadqe

haiñ yahī dīn-e-ahmad ke raste

jaan beTā ḳhilāfat pe de do

hashr meñ hashr barpā karūñgī

pesh-e-haq tum ko le ke chalūñgī

is hukūmat pe da.avā karūñgī

jaan beTā ḳhilāfat pe de do

chain ham ne 'shafīq' ab na paayā

jaan beTā ḳhilāfat pe de do

bolin aman 'mohammad-ali' ki

jaan beTa KHilafat pe de do

sath tere hain 'shaukat-ali' bhi

jaan beTa KHilafat pe de do

gar zara sust dekhungi tum ko

dudh hargiz na baKHsungi tum ko

main dilawar na samjhungi tum ko

jaan beTa KHilafat pe de do

ghaib se meri imdad hogi

ab hukumat ye barbaad hogi

hashr tak ab na aabaad hogi

jaan beTa KHilafat pe de do

khansi aae agar tum ko jaani

mangna mat hukumat se pani

buDhi aman ka kuchh gham na karna

kalma paDh paDh KHilafat pe marna

pure us imtihan mein utarna

jaan beTa KHilafat pe de do

hote mere agar sat beTe

karti sab ko KHilafat pe sadqe

hain yahi din-e-ahmad ke raste

jaan beTa KHilafat pe de do

hashr mein hashr barpa karungi

pesh-e-haq tum ko le ke chalungi

is hukumat pe dawa karungi

jaan beTa KHilafat pe de do

chain hum ne 'shafiq' ab na paya

jaan beTa KHilafat pe de do