ارادے
کسی دن چاند پر ہم لوگ بھی راکٹ سے جائیں گے
یہ مانا چاند ابھی اک ریت کا میدان ہے لیکن
کسی دن جا کے ہم اس کو حسیں جنت بنائیں گے
کسی دن چاند پر ہم لوگ بھی راکٹ سے جائیں گے
یہ مانا چاند پر اس وقت آبادی نہیں لیکن
کسی دن ہم وہاں جا کر نئی بستی بسائیں گے
کسی دن چاند پر ہم لوگ بھی راکٹ سے جائیں گے
یہ مانا چاند ابھی بد صورت و بد شکل ہے لیکن
کسی دن ہم اسے دنیا سے بھی دل کش بنائیں گے
کسی دن چاند پر ہم لوگ بھی راکٹ سے جائیں گے
یہ مانا چاند پر ہر سمت ہیں جوالا مکھی لیکن
کسی دن ہم وہاں پر پیار کی کلیاں کھلائیں گے
کسی دن چاند پر ہم لوگ بھی راکٹ سے جائیں گے
یہ مانا چاند اندر سے بہت تاریک ہے لیکن
کسی دن ہم وہاں پر امن کی شمعیں جلائیں گے
کسی دن چاند پر ہم لوگ بھی راکٹ سے جائیں گے
یہ مانا چاند پر ہر سمت ہیں ویرانیاں لیکن
کسی دن ہم وہاں جا کر بہت دھومیں مچائیں گے
کسی دن چاند پر ہم لوگ بھی راکٹ سے جائیں گے
یہ مانا چاند پر جانا ابھی بے کار ہے لیکن
وہ دن بھی آئے گا جب ہم وہاں پکنک منائیں گے
کسی دن چاند پر ہم لوگ بھی راکٹ سے جائیں گے
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
