شام ہلال عید
چاند نکلا ہے بہ انداز دگر آج کی شام
بارش نور ہے تا حد نظر آج کی شام
زندگی نور کی آغوش میں ہے جلوہ نما
کتنا مسرور ہے ہر ایک بشر آج کی شام
یوں تو ہوتی ہے حقیقت میں ہر اک شام حسیں
رحمتوں برکتوں والی ہے مگر آج کی شام
مثل خورشید جبینوں پہ ہیں سجدوں کے نشاں
قلب مومن ہوا مانند قمر آج کی شام
ہیں ضیا بار محبت کے سبھی نقش و نگار
دل کی دنیا ہے بہاروں کا نگر آج کی شام
صورت کاہکشاں ہو گئی ہر راہ گزر
ذرہ ذرہ نظر آتا ہے گہر آج کی شام
اہل زر ہی نہیں مفلس بھی ہیں شاداں شاداں
غم نصیبوں کو ملا غم سے مفر آج کی شام
گلشن دل میں مہکتے ہیں مسرت کے گلاب
لے کے آئی ہے محبت کی سحر آج کی شام
نازش رنگ بہاراں ہے ہر اک نظارہ
کتنا رنگین ہے انداز نظر آج کی شام
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
