عید
وہ دیکھو وہ نکلا چاند
عید کا پیارا پیارا چاند
وہ دیکھو اس پیڑ کے اوپر
ٹوٹی ہوئی چوڑی کے برابر
ٹیپو آؤ گڈو آؤ
شاہی کو بھی ساتھ میں لاؤ
دادی ماں نے سب کو جگایا
اچھی طرح سب کو نہلایا
چم چم کرتے جوتے پہنے
پاجامہ اور کرتے پہنے
ممی نے پھر عطر لگایا
سب کے کپڑوں کو مہکایا
آگے آگے ہو گئے ڈیڈی
پیچھے پیچھے ننھے نمازی
عید گاہ میں پڑھی نماز
ساتھ میں تھے انور اعجاز
واپس آئے پڑھ کے نماز
اٹھلاتے دکھلاتے ناز
سب نے مل کر کھائیں سوئیاں
سب کے من کو بھائیں سوئیاں
ڈیڈی نے دی سب کو عیدی
خوش ہوئے ٹیپو گڈو شاہی
عید خوشی کے پھول کھلاتی
آئی اندھیرے دور بھگاتی
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
