عید

میری ہمدم

گنگناتی مسکراتی

ایک وہ بھی عید تھی

دل میں تیری دید کا ارماں لیے

تجھ سے ملنے عید کتنے شوق سے

تیری بستی ڈھونڈ کر پہنچا تھا میں

مجھ کو اب تک یاد ہے وہ چاند رات

جب کیا تھا تو نے میرا انتظار

میری ہمدم

ایک یہ بھی عید ہے

سونا سونا سارا شہر

کرب تنہائی کا زہر

دل کی اک اک رگ میں ہے پھیلا ہوا

تجھ سے ملنے کی کوئی جلدی نہیں

تجھ کو بھی شاید نہیں ہے انتظار

کھنکھناتی چوڑیاں میں نے تجھے بھیجی نہیں

پیار کی خوشبو میں لپٹا

تیرا جی رومال تک پہنچا نہیں