aurat

tū ne mere dukh kī ḳhātir

kitne rañj sahe

apnī god meñ tū ne mujh ko

apne lahū kī chāñdnī baḳhshī

maiñ ik chāñd banā

jis ne dhartī se ye ghor bhayānak añdhiyāroñ kā ḳhauf miTāyā

jab tū zīnat hajla banī

tū ne apne ḳhuun kī ātish mujh ko baḳhshī

maiñ ik sūraj ban kar chamkā

jis kī dhuup meñ merī ruuh kā qaidī shāhīñ

naag ke phande se chhūTā

tū jab aa.ī

mere jigar kī ThanDak ban kar

tū ne merī aag pe apne aañsū bikhere

merī aag meñ phuul uge

maiñ ik shā.ir

apne fan kī afshāñ le kar

terī maañg sajāne aayā

tu ne mere dukh ki KHatir

kitne ranj sahe

apni god mein tu ne mujh ko

apne lahu ki chandni baKHshi

main ek chand bana

jis ne dharti se ye ghor bhayanak andhiyaron ka KHauf miTaya

jab tu zinat hajla bani

tu ne apne KHun ki aatish mujh ko baKHshi

main ek suraj ban kar chamka

jis ki dhup mein meri ruh ka qaidi shahin

nag ke phande se chhuTa

tu jab aai

mere jigar ki ThanDak ban kar

tu ne meri aag pe apne aansu bikhere

meri aag mein phul uge

main ek shair

apne fan ki afshan le kar

teri mang sajaane aaya