کیا کیا نہ دوا کھائی لاحول ولا قوت

کیا کیا نہ دوا کھائی لاحول ولا قوت

آئی نہ توانائی لاحول ولا قوت

ہم کو غم فرقت میں دو دن ہی بخار آیا

کیا شکل نکل آئی لاحول ولا قوت

مشکل سے سنبھالا تھا ہم نے دل ناداں کو

پھر چل پڑی پروائی لاحول ولا قوت

ہم گیس پہ رکھے ہیں اور ان کو ادھر آئے

انگڑائی پہ انگڑائی لاحول ولا قوت

پھر شور کیا اس نے پھر آ گئے گھر والے

پھر دال نہ گل پائی لاحول ولا قوت

سب میٹ مٹن غائب پرہیز پہ لعنت ہو

جب دیکھیے چولائی لاحول ولا قوت

گھر میں تو سبھی سوتیں ہر روز چکن اور ہم

مجبور تماشائی لاحول ولا قوت