ایک بوسے کے لئے اتنا ہمیں دوڑائیں گے

ایک بوسے کے لئے اتنا ہمیں دوڑائیں گے

کیا خبر تھی وہ قطب مینار پر چڑھ جائیں گے

چار دن کے عشق نے ہم کو خمیرہ کر دیا

دیکھنا ہے اور وہ کتنا کرم فرمائیں گے

ہجر کے سیزن میں ہم نے بھی ارادہ کر لیا

ٹھاٹھ سے کھٹیا بچھا کر دن ڈھلے سو جائیں گے

بد دعائیں دے رہے ہو واقعی افسوس ہے

تم کہاں جاؤ گے جب عشاق ہی مر جائیں گے

کچھ تو کہئے آپ لے کر آئیں گے کتنا جہیز

زندگی بھر کیا سنہرے خواب ہی دکھلائیں گے

اس قدر ناراض ہیں مسرور سے وہ ان دنوں

کہہ رہے ہیں جا کے تھانے میں رپٹ لکھوائیں گے