کچھ مری سن کچھ اپنی سنا زندگی

کچھ مری سن کچھ اپنی سنا زندگی

درد دل اور تھوڑا بڑھا زندگی

زندگانی کے فن سے ہوں لا علم میں

زندگی کرنا مجھ کو سکھا زندگی

تو نے اب تک وفا کی بہت شکریہ

شکریہ شکریہ شکریہ زندگی

ہر قدم ٹھوکریں زخم ہر گام ہیں

کب تلک دوں بتا خوں بہا زندگی

یہ کیا ہر گام بس لن ترانی وہی

گیت کوئی نیا گنگنا زندگی

یہ بھی بتلا ذرا تجھ کو کیسا لگا

موت سے جب ہوا سامنا زندگی

روشنی کیوں سیاہی میں ڈھلنے لگی

تجھ سے عارفؔ ہوئی کیا خفا زندگی