zamin banai gai aasman banaya gaya
zamīñ banā.ī ga.ī āsmāñ banāyā gayā
barā.e-ishq ye saarā jahāñ banāyā gayā
tumhārī nā ko hī āḳhir meñ haañ banāyā gayā
yaqīñ ke chaak pe rakh kar gumāñ banāyā gayā
tum us ke paas ho jis ko tumhārī chaah na thī
kahāñ pe pyaas thī dariyā kahāñ banāyā gayā
hamāre saath koī do qadam bhī chal na sakā
kisī ke vāste ik kārvāñ banāyā gayā
badal ke dekh lo tum jism chāhe auroñ se
vahīñ pe Thiik hai jis ko jahāñ banāyā gayā
kisī ko jab bhī zarūrat paḌī siyāhī kī
hamārā jism jalā kar dhuāñ banāyā gayā
bas ek maiñ hī thā bastī meñ bolne vaalā
to sab se pahle mujhe be-zabāñ banāyā gayā
zamin banai gai aasman banaya gaya
barae-ishq ye sara jahan banaya gaya
tumhaari na ko hi aaKHir mein han banaya gaya
yaqin ke chaak pe rakh kar guman banaya gaya
tum us ke pas ho jis ko tumhaari chah na thi
kahan pe pyas thi dariya kahan banaya gaya
hamare sath koi do qadam bhi chal na saka
kisi ke waste ek karwan banaya gaya
badal ke dekh lo tum jism chahe auron se
wahin pe Thik hai jis ko jahan banaya gaya
kisi ko jab bhi zarurat paDi siyahi ki
hamara jism jala kar dhuan banaya gaya
bas ek main hi tha basti mein bolne wala
to sab se pahle mujhe be-zaban banaya gaya
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
