ظاہر کي آنکھ سے نہ تماشا کرے کوئي

ظاہر کي آنکھ سے نہ تماشا کرے کوئي

ہو ديکھنا تو ديدہء دل وا کرے کوئي

منصور کو ہوا لب گويا پيام موت

اب کيا کسي کے عشق کا دعوي کرے کوئي

ہو ديد کا جو شوق تو آنکھوں کو بند کر

ہے ديکھنا يہي کہ نہ ديکھا کرے کوئي

ميں انتہائے عشق ہوں ، تو انتہائے حسن

ديکھے مجھے کہ تجھ کو تماشا کرے کوئي

عذر آفرين جرم محبت ہے حسن دوست

محشر ميں عذر تازہ نہ پيدا کرے کوئي

چھپتي نہيں ہے يہ نگہ شوق ہم نشيں!

پھر اور کس طرح انھيں ديکھا کر ے کوئي

اڑ بيٹھے کيا سمجھ کے بھلا طور پر کليم

طاقت ہو ديد کي تو تقاضا کرے کوئي

نظارے کو يہ جنبش مژگاں بھي بار ہے

نرگس کي آنکھ سے تجھے ديکھا کرے کوئي

کھل جائيں ، کيا مزے ہيں تمنائے شوق ميں

دو چار دن جو ميري تمنا کرے کوئي