تجھے باتوں میں لانا چاہتا ہوں
تجھے باتوں میں لانا چاہتا ہوں
تری باتوں میں آنا چاہتا ہوں
کسی کا آستانہ چاہتا ہوں
کہیں میں سر جھکانا چاہتا ہوں
کسی صورت بلا لے پاس مجھ کو
میں تیرے پاس آنا چاہتا ہوں
جنوں دیکھو کہ ان کی ہی کہانی
انہی کو میں سنانا چاہتا ہوں
مجھے اے رہنما اب چھوڑ تنہا
میں خود کو آزمانا چاہتا ہوں
ٹھہر جائے یوں ہی ان کا تبسم
ٹھہر جائے زمانہ چاہتا ہوں
وہ پیہم روٹھ جانا چاہتے ہیں
میں ہر صورت منانا چاہتا ہوں
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
Close
rare Unpublished content
This ghazal contains ashaar not published in the public domain. These are marked by a red line on the left.
