koi sawal na kar aur koi jawab na puchh
koī savāl na kar aur koī javāb na pūchh
tū mujh se ahd-e-guzashta kā ab hisāb na pūchh
safīne kitne hue is meñ ġharq-e-āb na pūchh
tū mere dil ke samundar kā iztirāb na pūchh
maiñ kab se niiñd kā maarā huā huuñ aur kab se
ye merī jāgtī āñkheñ haiñ mahv-e-ḳhvāb na pūchh
safar meñ dhuup kī shiddat ne bhī satāyā magar
fareb dete rahe kis qadar sarāb na pūchh
kabhī uruuj pe thā ḳhud pe e'timād mirā
ġhurūb kaise huā hai ye āftāb na pūchh
koi sawal na kar aur koi jawab na puchh
tu mujh se ahd-e-guzashta ka ab hisab na puchh
safine kitne hue is mein gharq-e-ab na puchh
tu mere dil ke samundar ka iztirab na puchh
main kab se nind ka mara hua hun aur kab se
ye meri jagti aankhen hain mahw-e-KHwab na puchh
safar mein dhup ki shiddat ne bhi sataya magar
fareb dete rahe kis qadar sarab na puchh
kabhi uruj pe tha KHud pe e'timad mera
ghurub kaise hua hai ye aaftab na puchh
- Book : Zara ye Dhoop Dhal Jaye (Pg. 43)
- Author : Khushbir Singh Shaad
- Publication : Suman Parkashan, Bhadoriya Complex, Lucknow (2005)
- Edition : 2005
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
