KHwab mein manzar rah jata hai

ḳhvāb meñ manzar rah jaatā hai

takiye par sar rah jaatā hai

aa paḌtī hai jhiil āñkhoñ meñ

haath meñ patthar rah jaatā hai

roz kisī hairat kā dhabba

ā.īne par rah jaatā hai

dil meñ basne vaalā ik din

jeb ke andar rah jaatā hai

nadiyā par milne kā va.ada

mez ke uupar rah jaatā hai

saal guzar jaatā hai saarā

aur calender rah jaatā hai

āñgan kī ḳhvāhish meñ koī

baam ke uupar rah jaatā hai

lag jaatī hai naav us paar

aur samundar rah jaatā hai

ruḳhsat hote hote koī

darvāze par rah jaatā hai

KHwab mein manzar rah jata hai

takiye par sar rah jata hai

aa paDti hai jhil aankhon mein

hath mein patthar rah jata hai

roz kisi hairat ka dhabba

aaine par rah jata hai

dil mein basne wala ek din

jeb ke andar rah jata hai

nadiya par milne ka wada

mez ke upar rah jata hai

sal guzar jata hai sara

aur calender rah jata hai

aangan ki KHwahish mein koi

baam ke upar rah jata hai

lag jati hai naw us par

aur samundar rah jata hai

ruKHsat hote hote koi

darwaze par rah jata hai