kashti chala raha hai magar kis ada ke sath
kashtī chalā rahā hai magar kis adā ke saath
ham bhī na Duub jaa.eñ kahīñ nā-ḳhudā ke saath
dil kī talab paḌī hai to aayā hai yaad ab
vo to chalā gayā thā kisī dilrubā ke saath
jab se chalī hai aadam o yazdāñ kī dāstāñ
har bā-vafā kā rabt hai ik bevafā ke saath
mehmān mezbāñ hī ko bahkā ke le uḌā
ḳhushbū-e-gul bhī ghuum rahī hai sabā ke saath
pīr-e-muġhāñ se ham ko koī bair to nahīñ
thoḌā sā iḳhtilāf hai mard-e-ḳhudā ke saath
shaiḳh aur bahisht kitne ta.ajjub kī baat hai
yā-rab ye zulm ḳhuld kī āb-o-havā ke saath
paḌhtā namāz maiñ bhī huuñ par ittifāq se
uThtā huuñ nisf raat ko dil kī sadā ke saath
mahshar kā ḳhair kuchh bhī natīja ho ai 'adam'
kuchh guftugū to khul ke kareñge ḳhudā ke saath
kashti chala raha hai magar kis ada ke sath
hum bhi na Dub jaen kahin na-KHuda ke sath
dil ki talab paDi hai to aaya hai yaad ab
wo to chala gaya tha kisi dilruba ke sath
jab se chali hai aadam o yazdan ki dastan
har ba-wafa ka rabt hai ek bewafa ke sath
mehman mezban hi ko bahka ke le uDa
KHushbu-e-gul bhi ghum rahi hai saba ke sath
pir-e-mughan se hum ko koi bair to nahin
thoDa sa iKHtilaf hai mard-e-KHuda ke sath
shaiKH aur bahisht kitne tajjub ki baat hai
ya-rab ye zulm KHuld ki aab-o-hawa ke sath
paDhta namaz main bhi hun par ittifaq se
uThta hun nisf raat ko dil ki sada ke sath
mahshar ka KHair kuchh bhi natija ho ai 'adam'
kuchh guftugu to khul ke karenge KHuda ke sath
- Book : Adam ki behtareen ghazlein (Pg. 56)
This content features in following collection(s)
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
