اک پرندہ ابھی اڑان میں ہے
اک پرندہ ابھی اڑان میں ہے
تیر ہر شخص کی کمان میں ہے
جس کو دیکھو وہی ہے چپ چپ سا
جیسے ہر شخص امتحان میں ہے
کھو چکے ہم یقین جیسی شے
تو ابھی تک کسی گمان میں ہے
زندگی سنگ دل سہی لیکن
آئینہ بھی اسی چٹان میں ہے
سربلندی نصیب ہو کیسے
سرنگوں ہے کہ سائبان میں ہے
خوف ہی خوف جاگتے سوتے
کوئی آسیب اس مکان میں ہے
آسرا دل کو اک امید کا ہے
یہ ہوا کب سے بادبان میں ہے
خود کو پایا نہ عمر بھر ہم نے
کون ہے جو ہمارے دھیان میں ہے
یہ متن درج ذیل زمرے میں بھی شامل ہے
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
Close
rare Unpublished content
This ghazal contains ashaar not published in the public domain. These are marked by a red line on the left.
