میں ترے سنگ کیسے چلوں ہم سفر تو سمندر ہے میں ساحلوں کی ہوا
میں ترے سنگ کیسے چلوں ہم سفر تو سمندر ہے میں ساحلوں کی ہوا
تو کہاں میں کہاں الاماں الحذر تو سمندر ہے میں ساحلوں کی ہوا
تجھ سے ہے سب یہ حسن جہاں معتبر تجھ کو سجدے کرے کہکشاں سر بہ سر
تو حریم قمر میں حزین سحر تو سمندر ہے میں ساحلوں کی ہوا
گاہ شوریدہ سر گاہ خاموش تر تجھ میں پوشیدہ ہیں راز سب بستہ سر
تیرے لعل و گہر اور میں خاک سر تو سمندر ہے میں ساحلوں کی ہوا
تو بہاروں کی جا تو لباس شجر میں خزاں کی صدا میں غبار سفر
تو نمود مطر میں حدیث دگر تو سمندر ہے میں ساحلوں کی ہوا
وسعت بے کراں مخزن سیم و زر بے حد و بے نشاں تیری ہر رہگزر
تو بحد نظر میں کنار سفر تو سمندر ہے میں ساحلوں کی ہوا
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
