عید آئی تو اکثر ہم سے خوشیوں نے منہ پھیر لیا

عید آئی تو اکثر ہم سے خوشیوں نے منہ پھیر لیا

روشنیوں کے تہواروں میں تیرگیوں نے گھیر لیا

صبح ہوئی تو پلک جھپکتے بھول گئے ہم گو شب بھر

دو آنکھوں سے یک بینی کا ایک سبق تا دیر لیا

قامت اپنا سچ پوچھو تو ایسا کوئی کم بھی نہ تھا

لیکن چار طرف سے ہم کو دراز قدوں نے گھیر لیا

دن میں بھی ہم دیکھنے والے خواب کہاں آنکھیں پھوڑیں

خوابوں سے پہلے ہی ہم کو تعبیروں نے گھیر لیا

توبہ توبہ یہ بھی کوئی جینا ہے مضطرؔ صاحب

آنکھ کہیں پہ لڑائی نہ مے پی اور نہ لطف شعر لیا