آسماں کا ستارہ نہ مہتاب ہے
قلب گہہ میں جو اک جنس نایاب ہے
آئینہ آئینہ تیرتا کوئی عکس
اور ہر خواب میں دوسرا خواب ہے
اور ہے شمع کے بطن میں روشنی
تیرے آئینے میں اور ہی آب ہے
یہ چراغ اور ہے وہ ستارہ ہے اور
اور آگے جو اک ہجر کا باب ہے
اور پھیلی ہوئی ہے جو اک دھند سی
اور عقب میں جو اک زینۂ خواب ہے
بس وہ لمحہ جو تجھ سے عبارت ہوا
باقی جو چیز ہے وہ فنا یاب ہے
خواب نے تو رقم کر دیا تھا تجھے
حاصل شب یہی چشم پر آب ہے
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
Close
rare Unpublished content
This ghazal contains ashaar not published in the public domain. These are marked by a red line on the left.
