ye ek tera jalwa sanam chaar su hai
ye ik terā jalva sanam chaar sū hai
nazar jis taraf kījiye tū hī tū hai
ye kis mast ke aane kī aarzū hai
ki dast-e-duā aaj dast-e-subū hai
na hogā koī mujh sā mahv-e-tasavvur
jise dekhtā huuñ samajhtā huuñ tū hai
mukaddar na ho yaar to saaf kah duuñ
na kyūñkar ho ḳhud-bīñ ki ā.īna-rū hai
kabhī ruḳh kī bāteñ kabhī gesuoñ kī
sahar se yahī shaam tak guftugū hai
kisī gul ke kūche se guzrī hai shāyad
sabā aaj jo tujh meñ phūloñ kī bū hai
nahīñ chāk-dāman koī mujh sā 'goyā'
na baḳhiya kī ḳhvāhish na fikr-e-rafū hai
ye ek tera jalwa sanam chaar su hai
nazar jis taraf kijiye tu hi tu hai
ye kis mast ke aane ki aarzu hai
ki dast-e-dua aaj dast-e-subu hai
na hoga koi mujh sa mahw-e-tasawwur
jise dekhta hun samajhta hun tu hai
mukaddar na ho yar to saf kah dun
na kyunkar ho KHud-bin ki aaina-ru hai
kabhi ruKH ki baaten kabhi gesuon ki
sahar se yahi sham tak guftugu hai
kisi gul ke kuche se guzri hai shayad
saba aaj jo tujh mein phulon ki bu hai
nahin chaak-daman koi mujh sa 'goya'
na baKHiya ki KHwahish na fikr-e-rafu hai
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
