meri nazar ke liye koi riwayat na thi

merī nazar ke liye koī rivāyat na thī

sab kī tarah dekhnā jabr thā aadat na thī

aisā lagā jaise maiñ manzar-e-mānūs thā

us kī nigāhoñ meñ kal shoḳhī-e-hairat na thī

mere shab o roz the merī sadī kī tarah

kaun sā lamha thā vo jis meñ qayāmat na thī

pairahan-e-jism-o-jāñ zaḳhm-e-sitam thā tamām

kaisā sitam-gar thā vo koī jarāhat na thī

kab kisī dīvār se sail-e-tamannā rukā

garm lahū kī kabhī koī sharī.at na thī

kitne subuk-dil hue tujh se bichhaḌne ke ba.ad

un se bhī milnā paḌā jin se mohabbat na thī

meri nazar ke liye koi riwayat na thi

sab ki tarah dekhna jabr tha aadat na thi

aisa laga jaise main manzar-e-manus tha

us ki nigahon mein kal shoKHi-e-hairat na thi

mere shab o roz the meri sadi ki tarah

kaun sa lamha tha wo jis mein qayamat na thi

pairahan-e-jism-o-jaan zaKHm-e-sitam tha tamam

kaisa sitam-gar tha wo koi jarahat na thi

kab kisi diwar se sail-e-tamanna ruka

garm lahu ki kabhi koi shariat na thi

kitne subuk-dil hue tujh se bichhaDne ke baad

un se bhi milna paDa jin se mohabbat na thi