کھنچ کے محبوب کے دامن کی طرف
کھنچ کے محبوب کے دامن کی طرف
آ گئے اور بھی الجھن کی طرف
تم چھپاتے رہو کتنا اس کو
بجلیاں آئیں گی خرمن کی طرف
ہر طرف نور کا تڑکا دیکھا
کون آیا مرے آنگن کی طرف
اے چمن والو رکوں یا جاؤں
اک دھواں سا ہے نشیمن کی طرف
خیر مقدم کو جھکیں گی شاخیں
اک ذرا آؤ تو گلشن کی طرف
عرشؔ کس دوست کو اپنا سمجھوں
سب کے سب دوست ہیں دشمن کی طرف
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
Close
rare Unpublished content
This ghazal contains ashaar not published in the public domain. These are marked by a red line on the left.
