ab hayāt-e-insāñ kā hashr dekhiye kyā ho

mil gayā hai qātil ko mansab-e-masīhā.ī

ab hayat-e-insan ka hashr dekhiye kya ho

mil gaya hai qatil ko mansab-e-masihai

ham haiñ ḳhāliq-e-naġhma laao saaz ham ko do

giit chheḌ baiThe ho aur gā nahīñ sakte

hum hain KHaliq-e-naghma lao saz hum ko do

git chheD baiThe ho aur ga nahin sakte

na saath deñgī ye dam toḌtī huī sham.eñ

na.e charāg jalāo ki raushnī kam hai

na sath dengi ye dam toDti hui shamen

nae charag jalao ki raushni kam hai

qarīb o duur se aatī hai aap kī āvāz

kabhī bahut hai ġham-e-justujū kabhī kam hai

qarib o dur se aati hai aap ki aawaz

kabhi bahut hai gham-e-justuju kabhi kam hai

urūj-e-māh ko insāñ samajh gayā lekin

hanūz azmat-e-insāñ se āgahī kam hai

uruj-e-mah ko insan samajh gaya lekin

hanuz azmat-e-insan se aagahi kam hai