dil kī jāgīr meñ merā bhī koī hissa rakh

maiñ bhī terā huuñ mujhe bhī to kahīñ rahnā hai

dil ki jagir mein mera bhi koi hissa rakh

main bhi tera hun mujhe bhi to kahin rahna hai

din bhar ke jhameloñ se bachā laayā thā ḳhud ko

shaam aate hī 'ashfāq' maiñ TuuTā huā kyuuñ huuñ

din bhar ke jhamelon se bacha laya tha KHud ko

sham aate hi 'ashfaq' main TuTa hua kyun hun

jo ḳhvāb kī dahlīz talak bhī nahīñ aayā

aaj us se mulāqāt kī sūrat nikal aa.ī

jo KHwab ki dahliz talak bhi nahin aaya

aaj us se mulaqat ki surat nikal aai

talāsh apnī ḳhud apne vajūd ko kho kar

ye kār-e-ishq hai is meñ lagā to maiñ bhī huuñ

talash apni KHud apne wajud ko kho kar

ye kar-e-ishq hai is mein laga to main bhi hun

tumheñ manāne kā mujh ko ḳhayāl kyā aa.e

ki apne aap se rūThā huā to maiñ bhī huuñ

tumhein manane ka mujh ko KHayal kya aae

ki apne aap se ruTha hua to main bhi hun