taj-mahal

āgara shahr meñ mohabbat kā

ek mīnār jagmagātā hai

log kahte haiñ jis ko tāj-mahal

mere dil ko bahut lubhātā hai

raushnī phūTtī hai jaalī se

baaġh meñ phuul muskurāte haiñ

log pahlū meñ baiTh kar us ke

haa.e kitnā sukūn paate haiñ

ruuh jis meñ nahīñ pa hai zinda

tum na maano magar haqīqat hai

vaqt dhuñdlā na kar sakā jis ko

ye mohabbat kī vo imārat hai

kurra-e-arz par ajūba hai

kaise inkār ho vadī.at se

faḳhr hindostāñ ko hai is par

taaj ko dekhiye aqīdat se

dekhnā ho kabhī to aa jaanā

dars vo kis tarah se dete haiñ

chāhne vaale taaj meñ 'bismil'

aks-e-mahbūb dekh lete haiñ

aagara shahr mein mohabbat ka

ek minar jagmagata hai

log kahte hain jis ko taj-mahal

mere dil ko bahut lubhata hai

raushni phuTti hai jali se

bagh mein phul muskuraate hain

log pahlu mein baiTh kar us ke

hae kitna sukun pate hain

ruh jis mein nahin pa hai zinda

tum na mano magar haqiqat hai

waqt dhundla na kar saka jis ko

ye mohabbat ki wo imarat hai

kurra-e-arz par ajuba hai

kaise inkar ho wadiat se

faKHr hindostan ko hai is par

taj ko dekhiye aqidat se

dekhna ho kabhi to aa jaana

dars wo kis tarah se dete hain

chahne wale taj mein 'bismil'

aks-e-mahbub dekh lete hain