mom pighlata raha tera KHayal

kyā sulagtī raat hai mere nadīm

ātishīñ shorish-zada tere ḳhayāl

tū ki kosoñ duur mujh se pur-yaqīn

tū yahīñ paas mere hai kahīñ

rañg hai ki nuur kī barsāt hai

chāñdnī aur pyaar kī komal sadā

tere sāñsoñ kī mahak phailī huī

kitnī gaD-maD ho ga.ī haiñ dhaḌkaneñ

laakh maiñ ne bāñdh ke rakkhā badan

terī nazroñ se jo pighlā mom thā

ruuh ko lazzat tumhāre qurb meñ

aur āñkhoñ meñ terā manzar rahā

raat kitne karb meñ Dhaltī rahī

mom pighlātā rahā terā ḳhayāl

maiñ ki mere jism kā har saaz tū

tū ki terī be-niyāzī

kyā kahūñ!!

kya sulagti raat hai mere nadim

aatishin shorish-zada tere KHayal

tu ki koson dur mujh se pur-yaqin

tu yahin pas mere hai kahin

rang hai ki nur ki barsat hai

chandni aur pyar ki komal sada

tere sanson ki mahak phaili hui

kitni gaD-maD ho gai hain dhaDkanen

lakh main ne bandh ke rakkha badan

teri nazron se jo pighla mom tha

ruh ko lazzat tumhaare qurb mein

aur aankhon mein tera manzar raha

raat kitne karb mein Dhalti rahi

mom pighlata raha tera KHayal

main ki mere jism ka har saz tu

tu ki teri be-niyazi

kya kahun!!