post-man us but ka KHat lata nahin

post-man us but kā ḳhat laatā nahīñ

aur jo laatā hai paḌhā jaatā nahīñ

āshiqī se kyuuñ ham istīfā na deñ

hoTaloñ kā bil diyā jaatā nahīñ

shaiḳh-jī motor pe haj ko jā.iye

ahd-e-nau meñ uuñT kaam aatā nahīñ

bosa leñ us sarv-qad kā kis tarah

taar par ham se chaḌhā jaatā nahīñ

āshiqoñ par zulm karnā chhoḌ deñ

kyūñ-be qāsid jā ke samjhātā nahīñ

raat din farmā.isheñ zevar kī haiñ

ham se ab āshiq rahā jaatā nahīñ

jal ga.ī cigarette se dāḌhī shaiḳh kī

ye magar fashion se baaz aatā nahīñ

farbahī kā tanz kyuuñ mushtāq par

terī chakkī se to pisvātā nahīñ

fees pahle jab talak rakhvā na le

doctor apne bhī ghar jaatā nahīñ

baikarī meñ naukrī karnī paḌī

vo sivā.e cake kuchh khātā nahīñ

terī furqat meñ bahut faaqe kaTe

aa ki ab bhūkā rahā jaatā nahīñ

kab se hai mehmān tū ai hijr-e-yār

bhaa.ī mere ghar se kyuuñ jaatā nahīñ

o sitam-gar roknā motor zarā

mere ḳhachchar se chalā jaatā nahīñ

laundry kholī thī us ke ishq meñ

par vo kapḌe ham se dhulvātā nahīñ

hazrat-e-ibn-e-batuta kī ġhazal

zid ke maare vo sanam gaatā nahīñ

post-man us but ka KHat lata nahin

aur jo lata hai paDha jata nahin

aashiqi se kyun hum istifa na den

hoTalon ka bil diya jata nahin

shaiKH-ji motor pe haj ko jaiye

ahd-e-nau mein unT kaam aata nahin

bosa len us sarw-qad ka kis tarah

tar par hum se chaDha jata nahin

aashiqon par zulm karna chhoD den

kyun-be qasid ja ke samjhata nahin

raat din farmaishen zewar ki hain

hum se ab aashiq raha jata nahin

jal gai cigarette se daDhi shaiKH ki

ye magar fashion se baz aata nahin

farbahi ka tanz kyun mushtaq par

teri chakki se to piswata nahin

fees pahle jab talak rakhwa na le

doctor apne bhi ghar jata nahin

baikari mein naukri karni paDi

wo siwae cake kuchh khata nahin

teri furqat mein bahut faqe kaTe

aa ki ab bhuka raha jata nahin

kab se hai mehman tu ai hijr-e-yar

bhai mere ghar se kyun jata nahin

o sitam-gar rokna motor zara

mere KHachchar se chala jata nahin

laundry kholi thi us ke ishq mein

par wo kapDe hum se dhulwata nahin

hazrat-e-ibn-e-batuta ki ghazal

zid ke mare wo sanam gata nahin