thoDa sa aks chand ke paikar mein Dal de
thoḌā sā aks chāñd ke paikar meñ Daal de
tū aa ke jaan raat ke manzar meñ Daal de
jis din mirī jabīñ kisī dahlīz par jhuke
us din ḳhudā shigāf mire sar meñ Daal de
allāh tere saath hai mallāh ko na dekh
ye TuuTī phūTī naav samundar meñ Daal de
aa tere maal o zar ko maiñ taqdīs baḳhsh duuñ
lā apnā maal o zar mirī Thokar meñ Daal de
bhaag aise rahnumā se jo lagtā hai ḳhizr sā
jaane ye kis jagah tujhe chakkar meñ Daal de
is se tire makān kā manzar hai bad-numā
chingārī mere phuus ke chhappar meñ Daal de
maiñ ne panāh dī tujhe bārish kī raat meñ
tū jaate jaate aag mire ghar meñ Daal de
ai 'kaif' jāgte tujhe pichhlā pahar huā
ab laash jaise jism ko bistar meñ Daal de
thoDa sa aks chand ke paikar mein Dal de
tu aa ke jaan raat ke manzar mein Dal de
jis din meri jabin kisi dahliz par jhuke
us din KHuda shigaf mere sar mein Dal de
allah tere sath hai mallah ko na dekh
ye TuTi phuTi naw samundar mein Dal de
aa tere mal o zar ko main taqdis baKHsh dun
la apna mal o zar meri Thokar mein Dal de
bhag aise rahnuma se jo lagta hai KHizr sa
jaane ye kis jagah tujhe chakkar mein Dal de
is se tere makan ka manzar hai bad-numa
chingari mere phus ke chhappar mein Dal de
main ne panah di tujhe barish ki raat mein
tu jate jate aag mere ghar mein Dal de
ai 'kaif' jagte tujhe pichhla pahar hua
ab lash jaise jism ko bistar mein Dal de
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
