tamam umr wo ehsan mujh pe karta raha

tamām 'umr vo ehsān mujh pe kartā rahā

mirī hī raakh se vo zaḳhm merā bhartā rahā

talāsh tā-ba-falak jis kī le ga.ī mujh ko

vo jab milā to mire bāl-o-par katartā rahā

zarā sī der kā kahne ko saath thā us kā

tamām 'umr mire dil meñ vo utartā rahā

maiñ us kī dhun meñ na.e rāste pe jā niklī

dayār-e-jāñ se mirī roz jo guzartā rahā

vo dil jo pyaar se jiitā thā ab ye haal huā

ki jis ne pyaar se dekhā usī se Dartā rahā

tamam 'umr wo ehsan mujh pe karta raha

meri hi rakh se wo zaKHm mera bharta raha

talash ta-ba-falak jis ki le gai mujh ko

wo jab mila to mere baal-o-par katarta raha

zara si der ka kahne ko sath tha us ka

tamam 'umr mere dil mein wo utarta raha

main us ki dhun mein nae raste pe ja nikli

dayar-e-jaan se meri roz jo guzarta raha

wo dil jo pyar se jita tha ab ye haal hua

ki jis ne pyar se dekha usi se Darta raha