shikast-e-shisha-e-dil ki sada hun

shikast-e-shīsha-e-dil kī sadā huuñ

maiñ ḳhud bhī ḳhud ko sunñā chāhtā huuñ

nahīñ mere liye kyā aur koī

usī kā rāsta kyuuñ dekhtā huuñ

usī sāhil pe Dūbūñgā jahāñ se

samundar kā tamāshā kar rahā huuñ

charāġh-e-shola-e-sar huuñ aur havā meñ

sar-e-dīvār-e-jāñ rakkhā huā huuñ

guzarnā hai jise sahrā se ho kar

maiñ us dariyā ke dukh se āshnā huuñ

visāl-e-yār kī ḳhvāhish meñ aksar

charāġh-e-shām se pahle jalā huuñ

ġhunūda sā.atoñ kī shab se 'tishna'

tavāf-e-āriz-o-lab kar rahā huuñ

shikast-e-shisha-e-dil ki sada hun

main KHud bhi KHud ko sunna chahta hun

nahin mere liye kya aur koi

usi ka rasta kyun dekhta hun

usi sahil pe Dubunga jahan se

samundar ka tamasha kar raha hun

charagh-e-shola-e-sar hun aur hawa mein

sar-e-diwar-e-jaan rakkha hua hun

guzarna hai jise sahra se ho kar

main us dariya ke dukh se aashna hun

visal-e-yar ki KHwahish mein aksar

charagh-e-sham se pahle jala hun

ghunuda saaton ki shab se 'tishna'

tawaf-e-ariz-o-lab kar raha hun