yaad mein teri jag jag ke hum raat bhar karwaTen badalte hain

yaad meñ terī jaag jaag ke ham raat bhar karvaTeñ badalte haiñ

har ghaḌī dil meñ terī ulfat ke dhīme dhīme charāġh jalte haiñ

jab se tū ne nigāh pherī hai din hai suunā to raat añdherī hai

chāñd bhī ab nazar nahīñ aatā ab sitāre bhī kam nikalte haiñ

luT ga.ī vo bahār kī mahfil chhuT ga.ī ham se pyaar kī manzil

zindagī kī udaas rāhoñ meñ terī yādoñ ke saath chalte haiñ

tujh ko pā kar hameñ bahār milī tujh se chhuT kar magar ye baat khulī

bāġhbāñ hī chaman ke phūloñ ko apne pairoñ se ḳhud masalte haiñ

kyā kaheñ tujh se kyoñ huī duurī ham samajhte haiñ apnī majbūrī

tujh ko mā'lūm kyā ki tere liye dil ke ġham āñsuoñ meñ Dhalte haiñ

yaad mein teri jag jag ke hum raat bhar karwaTen badalte hain

har ghaDi dil mein teri ulfat ke dhime dhime charagh jalte hain

jab se tu ne nigah pheri hai din hai suna to raat andheri hai

chand bhi ab nazar nahin aata ab sitare bhi kam nikalte hain

luT gai wo bahaar ki mahfil chhuT gai hum se pyar ki manzil

zindagi ki udas rahon mein teri yaadon ke sath chalte hain

tujh ko pa kar hamein bahaar mili tujh se chhuT kar magar ye baat khuli

baghban hi chaman ke phulon ko apne pairon se KHud masalte hain

kya kahen tujh se kyon hui duri hum samajhte hain apni majburi

tujh ko ma'lum kya ki tere liye dil ke gham aansuon mein Dhalte hain