zara socho to mere sath aisa kyun hua hai
zarā socho to mere saath aisā kyuuñ huā hai
badan TuuTā huā thā paarā paarā kyuuñ huā hai
ḳhud apnī mauj se begāna dariyā kyuuñ huā hai
jo honā hī nahīñ thā aaj aisā kyuuñ huā hai
suroñ par āsmāñ Duubā huā hai bādaloñ meñ
dukhoñ kī jhiil kā paanī bhī gahrā kyuuñ huā hai
ḳhudāyā ājizī se maiñ ne māñgā kyā milā kyā
asar merī duāoñ kā ye ulTā kyuuñ huā hai
ye kaisī raushnī hai aur kin rāhoñ se aa.ī hai
yakāyak merī āñkhoñ meñ añdherā kyuuñ huā hai
vahāñ kī āb-jū meñ tel bahtā hai barābar
yahāñ vaadī meñ apnī ḳhushk dariyā kyuuñ huā hai
kahāñ jā.eñge tujh ko chhoḌ kar ai maañ batā de
tirī āġhosh meñ dushvār jiinā kyuuñ huā hai
ye kis ne kar diyā do laḳht mujh ko aaj 'hamdam'
kahāñ huuñ maiñ mirā saayā akelā kyuuñ huā hai
zara socho to mere sath aisa kyun hua hai
badan TuTa hua tha para para kyun hua hai
KHud apni mauj se begana dariya kyun hua hai
jo hona hi nahin tha aaj aisa kyun hua hai
suron par aasman Duba hua hai baadalon mein
dukhon ki jhil ka pani bhi gahra kyun hua hai
KHudaya aajizi se main ne manga kya mila kya
asar meri duaon ka ye ulTa kyun hua hai
ye kaisi raushni hai aur kin rahon se aai hai
yakayak meri aankhon mein andhera kyun hua hai
wahan ki aab-ju mein tel bahta hai barabar
yahan wadi mein apni KHushk dariya kyun hua hai
kahan jaenge tujh ko chhoD kar ai man bata de
teri aaghosh mein dushwar jina kyun hua hai
ye kis ne kar diya do laKHt mujh ko aaj 'hamdam'
kahan hun main mera saya akela kyun hua hai
- Book : Waraq-e-saadah (Gazals) (Pg. 58)
- Author : Hamdam Kashmiri
- Publication : Hamdam Kashmiri, Khan Mahel, Shrinagar (2012)
- Edition : 2012
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
