apna pata mujhe bata bahr-e-KHuda tu kaun hai

apnā pata mujhe batā bahr-e-ḳhudā tū kaun hai

tujh pe haiñ saare mubtalā bahr-e-ḳhudā tū kaun hai

nām-e-ḳhudā sunā kiyā tere sivā nahīñ milā

saarī sifat se hai bharā bahr-e-ḳhudā tū kaun hai

terā hasad to naam thā ho gayā banda kis tarah

terī hī zaat hai baqā bahr-e-ḳhudā tū kaun hai

tere se hast kul huī thī tū adam meñ be-nishāñ

haadī muzil hai barmalā bahr-e-ḳhudā tū kaun hai

mālik-e-do-jahāñ hai tū chāhe jise atā kare

kar de gadā ko bādshā bahr-e-ḳhudā tū kaun hai

tere karam se ai shahā maiñ ne ḳhudā-numā huā

thā tū fanā baqā milā bahr-e-ḳhudā tū kaun hai

'markaz'-e-jumla-kā.enāt maz.har-e-zāt-e-kibriyā

tere sivā nahīñ huā bahr-e-ḳhudā tū kaun hai

apna pata mujhe bata bahr-e-KHuda tu kaun hai

tujh pe hain sare mubtala bahr-e-KHuda tu kaun hai

nam-e-KHuda suna kiya tere siwa nahin mila

sari sifat se hai bhara bahr-e-KHuda tu kaun hai

tera hasad to nam tha ho gaya banda kis tarah

teri hi zat hai baqa bahr-e-KHuda tu kaun hai

tere se hast kul hui thi tu adam mein be-nishan

hadi muzil hai barmala bahr-e-KHuda tu kaun hai

malik-e-do-jahan hai tu chahe jise ata kare

kar de gada ko baadsha bahr-e-KHuda tu kaun hai

tere karam se ai shaha main ne KHuda-numa hua

tha tu fana baqa mila bahr-e-KHuda tu kaun hai

'markaz'-e-jumla-kaenat mazhar-e-zat-e-kibriya

tere siwa nahin hua bahr-e-KHuda tu kaun hai