sab aasan hua jata hai
sab āsān huā jaatā hai
mushkil vaqt to ab aayā hai
jis din se vo judā huā hai
maiñ ne jism nahīñ pahnā hai
koī darāḌ nahīñ hai shab meñ
phir ye ujālā sā kaisā hai
barsoñ kā bachhḌā huā saaya
ab aahaT le kar lauTā hai
apne aap se Darne vaalā
kis pe bharosa kar saktā hai
ek mahāz pe haare haiñ ham
ye rishta kyā kam rishta hai
qurb kā lamha to yāroñ ko
chup karne meñ guzar jaatā hai
sūraj se sharteñ rakhtā huuñ
ghar meñ charāġh nahīñ jaltā hai
dukh kī baat to ye hai 'shāriq'
us kā vahm bhī sach niklā hai
sab aasan hua jata hai
mushkil waqt to ab aaya hai
jis din se wo juda hua hai
main ne jism nahin pahna hai
koi daraD nahin hai shab mein
phir ye ujala sa kaisa hai
barson ka bachhDa hua saya
ab aahaT le kar lauTa hai
apne aap se Darne wala
kis pe bharosa kar sakta hai
ek mahaz pe haare hain hum
ye rishta kya kam rishta hai
qurb ka lamha to yaron ko
chup karne mein guzar jata hai
suraj se sharten rakhta hun
ghar mein charagh nahin jalta hai
dukh ki baat to ye hai 'shaariq'
us ka wahm bhi sach nikla hai
- Book : Khidki To Main Ne Khol Hi Li (Pg. 72)
- Author :Shariq Kaifi
- Publication : Rekhta Publications (2022)
- Edition : 3rd
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
